घरेलु तथा साना उद्योग/व्यवसायलाई महासंघले मुख्य प्राथमिक्ता दिन्छ : गोल्छा
<p> </p>
<p>काठमाडौं। नेपाल उद्योग वाणिज्य महासंघका अध्यक्ष शेखर गोल्छाले नेपालमा सञ्‍चालित साना तथा मझौला उद्योग/व्यवसायलाई विषेश प्राथमिक्ता दिने बताए। </p>
<p>आज महासंघको घरेलु तथा साना उद्योग समिति विस्तार गर्नेक्रममा बोल्दै गोल्छाले महासंघले साना उद्योगी/व्यवसायीलाई प्राथमिक्ता दिने बताए। </p>
<p>उनले महासंघले बनाउने भिजन पेपरले आगामी वर्षहरूमा साना व्यवसायीलाई समेट्ने बारेको खाका तयार पार्ने बताए। नेपालमा संचालित उद्योगधन्दामा साना तथा मझौलाको अंश लगभग ८६ प्रतिशत छ।</p>
<p>उक्त संख्यामा रहेका साना तथा मझौला उद्योगले अर्थतन्त्रमा करिब २३ प्रतिशत योगदान गरेको गोल्छाको भनाई छ। कोभिडको सवैभन्दा ठूलो असर पनि यही क्षेत्रमा परेको बताउँदै उनले यी उद्योगमा आबद्ध १६ देखि २० लाख मानिस प्रभावित भएको बताए।</p>
<p>यस्तै, महासंघका उपाध्यक्ष दिनेश श्रेष्ठले घरेलु तथा साना उद्योगहरू मुलुकको अर्थतन्‍त्रको मेरुदण्ड भएकाले यो क्षेत्रको प्रवर्द्धन र निर्वाध संचालनमा गर्न मिल्नेगरी काम गर्नुपर्ने बताए।</p>
<p>महासंघले आज कार्यकारिणी समिति सदस्य डिबी बस्‍नेतको सभापतित्वमा घरेलु तथा साना उद्योग समिति विस्तार गरेको छ। उक्त समितिको सह-सभापतिमा महासंघको कार्यकारिणी समितिका सदस्य किशोर आचार्य चुनिएका छन्।</p>
प्रतिक्रिया दिनुहोस्
.jpg)
