जहाज थपेर उडान विस्तार गर्दै यती एयरलाइन्स
<p>काठमाडौं। निजी क्षेत्रको अग्रणी वायुसेवा प्रदायक कम्पनी यती एयरलाइन्सले जहाज थपेर उडान विस्तार गर्ने योजनामा जुटेको छ ।</p>
<p>यतीले आन्तरिक उडानमा नयाँ एटिआर-७२ जहाज भित्र्याएर उडान संख्या बढाउने भएको हो। यतीको एटिआर जहाज माघ महिनाभित्र काठमाडौं आइपुग्नेछ । योसहित यतीसँग छ थान एटिआर जहाज हुनेछन् ।<br />
<br />
कोभिड-१९ महामारी नियन्त्रणका लागि देशभर लागू गरिएको बन्दाबन्दीपछि खुलेको आन्तरिक उडानमा यतीले तीन एटिआर जहाजमार्फत आन्तरिक उडान गरिरहेको थियो। आगामी मार्चदेखि यतीले हाल भएका पाँचवटै एटिआर जहाज उडाउनेछ । थपिएको एटिआरले पनि छिट्टै उडान भर्ने कम्पनीको योजना छ। </p>
<p>जहाज थपिएपछि मार्च महिनाबाट पूर्ण क्षमताका साथ आन्तरिक उडान हुने यती एयरलाइन्सका हवाई सुरक्षा विभाग प्रमुख एवं प्रवक्ता सुदर्शन बर्तौलाले बताए। </p>
<p><em>रासस</em><br />
</p>
प्रतिक्रिया दिनुहोस्
.jpg)
