बारीमै थन्कियो किसानको अदुवा
<p>डोटी। जिल्लाका दक्षिणी क्षेत्रका किसानले उत्पादन गरेको अदुवा बारीमै कुहिन थालेको छ। अदुवा खरीद गर्ने ग्राहक गाउँमा नआएका कारण अहिलेसम्म किसानको अदुवा बारीमै थन्किने अवस्थामा पुगेको हो। </p>
<p>वर्षभरिको आम्दानीको स्रोतको रुपमा लिइने अदुवा व्यापारीले विभिन्न बहाना बनाउँदै किन्‍न नै नआउने गरेपछि अदुवा घरैमा कुहिन थालेको किसानको गुनासो रहेको छ। ग्राहक नआउदा बारीमै अदुवा कुहिन थालेपछि किसान निराश भएको बडिकेदार गाउँपालिका-५ का स्थानीयवासी टेकबहादुर कलेलले बताए। </p>
<p>मकै र कोदो छाडेर अदुवाखेती गर्दैआएका यहाँका किसान अदुवा बिक्री नभएपछि चिन्तित बनेका छन्। जिल्लाको बडिकेदार, जोरायल, बोगटान फुड्सिललगायतका गाउँपालिकाका किसान अदुवा बिक्री नहुँदा मारमा परेको जोरायल गाउँपालिका-६ निरौलीका हिक्मतबहादुर बोहराले बताए। </p>
<p>"अदुवा किन्न ग्राहक नै आउदैनन् निकै समस्या भयो। अदुवा जिल्लाको बिपीनगर, जोरायल, खसरेमा भण्डारण गरी त्यहाँबाट बिक्री वितरण हुने भए पनि यो वर्ष किसानको बारीबाट नै अदुवा नआएपछि अदुवा भण्डारण केन्द्र पनि खाली अवस्थामा रहेका छन्," बोहाराले बताए। </p>
<p>खाद्यबाली र तरकारीको विकल्पमा अदुवालगायका किसान अदुवा नै बिक्री नहुन थालेपछि यो वर्ष कसरी घरखर्च चलाउने भन्‍ने समस्यामा परेको बडिकेदार गाउँपालिका-१ विपीनगरकी स्थानीय बन्दना विष्ट (कलेल) ले बताए। </p>
प्रतिक्रिया दिनुहोस्
.jpg)
