'फाइनान्सियल नोटिसेस’ एपका प्रयोगकर्तालाई थप सुविधा
<p>काठमाडौं। वित्तीय सूचना दिने ‘फाइनान्सियल नोटिसेस्’ एप्समा नयाँ फिचरहरू थपिएका छन्। </p>
<p>कम्पनीले सरस्वती पूजाको अवसरमा वित्तीय साक्षरतामूलक उक्त एप्स एन्ड्रोइड प्रयोगकर्ताहरूका लागि उपलब्ध गराएको हो।</p>
<p>कम्पनीले नयाँ फिचरको रूपमा प्रयोगकर्ताका लागि नेपाली भाषासमेत राखेको जानकारी दिएको छ। अबको केही दिनमा आइओएस प्रयोगकर्तालाई समेत यो फिचर उपल्ध हुने कम्पनीको भनाइ छ।</p>
<p>‘‘दैनिक रूपमा गरिने खर्च र आम्दानीको हिसाब विवरण राख्‍ने ‘फाइनान्स ट्र्याकर’को फिचर र दैनिक लेनदेन कर्जा सापटीको लेखा राख्‍न सकिने ‘क्रेडिट ट्र्याकर’ सुविधालाई थप व्यवस्थित गरी सामान्य नागरिकलेसमेत प्रयोग गर्न सकिने गरी अध्यावधिक गरिएको छ,’’ कम्पनीले जारी गरेको विज्ञप्तिमा उल्लेख छ, ‘‘सूचनाहरूलाई अडियो नेपाली भर्सनमासमेत सुन्न मिल्नेगरी अपडेट गरिएको छ।’’</p>
<p>उक्त एप्सबाट आफूले कारोबार गर्ने वा जानकारी लिन चाहेको बैंक तथा वित्तीय संस्थाका सम्पूर्ण सूचना प्राप्त गर्न सकिन्छ।</p>
प्रतिक्रिया दिनुहोस्
.jpg)
