Economics, Business and Entrepreneurship

गृहपृष्ठ

काठमाडाैंबाट राजविराज र विराटनगरबाट पोखरामा बुद्धकाे नयाँ उडान काठमाडाै&zwnj;। बुद्ध एयरले विभिन्न गन्तव्यमा उडान विस्तार गर्ने भएको छ। कम्पनीले यही १८ माघदेखि प्रदेश–२ को राजविराजमा उडान शुरु गर्दैछ भने क्षेत्रीय उडानका रुपमा २० माघ  गतेदेखि विराटनगरबाट पोखरा उडान सञ्चालन गर्ने तयारी गरेको छ। बुद्धले काठमाडौँ–राजविराज दैनिक उडान गर्नेछ। उडानको समय काठमाडौँबाट ११ः२५ र राजविराजबाट १२ः२० निर्धारण गरिएको विज्ञप्तिमार्फत जनाएको छ। यो गन्तव्यको उडान अवधि झण्डै ३५ मिनेटको हुनेछ। राजविराज उडानले सप्तरी, उदयपुर, सिरहा तथा सुनसरीका यात्रुहरुलाई सुविधा पुग्नेछ। दैनिक उडानले पर्यटन प्रवर्द्धनमा टेवा पुग्ने कम्पनीको विश्वास छ। राजविराज धार्मिक तथा पर्यटकीय हिसाबले महत्वपूर्ण शहर हो। यहाँबाट छिन्नमस्ता, बराहक्षेत्र, कोशीटप्पु, सलहेश गहवरका साथै अन्य थुप्रै पर्यटकीय गन्तव्यसम्म सजिलै पुग्न सकिन्छ। राजविराज उडानले सीमापारिका सहरसा, सुपौल, निर्मली, वीरपुर, राघोपुर, पिपरा, मधेपुरा, प्रतापगञ्ज, झन्झारपुर, सकरी, घोघडिया, लौकहालाई पनि सजिलैसँग जोड्न सकिने र यसबाट दुवै देशका पर्यटकलाई फाइदा पुग्ने जनाइएको छ। राजविराज विमानस्थलमा निजी क्षेत्रको अर्को वायु सेवा प्रदायक कम्पनीले सातामा तीन दिन उडान गर्दै आएको छ।          बुद्ध एयरले क्षेत्रीय उडान विस्तारका क्रममा पोखरा–विराटनगर रुटमा पनि उडान गर्न लागेको छ। यो गन्तव्यमा उडान अवधि एक घण्टा पाँच मिनेटको हुनेछ। यो रुटमा साताको तीन दिन सोमबार, बुधबार र शुक्रबार उडान हुने कम्पनीले उल्लेख गरेको छ। कम्पनीले क्षेत्रीय उडानका रुपमा यसअघि पोखराबाट चितवन र भैरहवा उडान गर्दै आएको छ। बुद्ध एयरसँग एटिआर ११ र दुई बिजक्राफ्ट गरी १३ जहाज सञ्चालनमा छ। रासस