सुनको मूल्य फेरि बढ्यो, प्रति तोला ७५ हजार पाँच सय
<p>काठमाडौं। साताको पहिलो दिन आज आइतबार सुनचाँदीको मूल्य बढेको छ। गत शुक्रबारको तुलनामा आज छापावाला सुनको मूल्य तोलामा तीन सय रूपैयाँले बढेको हो।</p>
<p>नेपाल सुनचाँदी व्यवसायी महासंघका अनुसार आज नेपाली बजारमा छापावाला सुनको मूल्य ७५ हजार पाँच सय छ। शुक्रबार भने यसको कारोबार मूल्य ७५ हजार दुई सय रूपैयाँ थियो।</p>
<p>यस्तै, आज तेजाबी सुनको मूल्य प्रतितोला ७५ हजार दूई सय रुपैयाँ कायम छ। पछिल्लो समय अन्तर्राष्ट्रिय बजारमा सुनको मूल्य बढ्दै गएकाले नेपालमा पनि यसको प्रत्यक्ष प्रभाव परेको हो।</p>
<p>यसका साथै महासंघले प्रति १० ग्राम छापावाल सुनको मूल्य ६४ हजार ७३० र प्रति १० ग्राम तेजाबी सुनको मूल्य ६४ हजार ४७५ रुपैयाँ कायम भएको महासंघले जानकारी दिएको छ।</p>
<p>त्यसैगरी, आज नेपाली बजारमा चाँदीको मूल्य प्रतितोला ८९५ रुपियाँ कायम भएको छ।</p>
प्रतिक्रिया दिनुहोस्
.jpg)
