Economics, Business and Entrepreneurship

गृहपृष्ठ

नेपालगञ्जमा सिद्धार्थ बैंकको दुई शाखा विस्तार काठमाडौं। सिद्धार्थ बैंकले बाँकेको नेपालगञ्जमा दुई वटा विस्तार गरेको छ।  बैंकले २१ माघदेखि नेपालगञ्जको न्यूरोड र बीपी चोकमा रहेको शाखाबाट औपचारिक कारोबार शुरू गरेको हो।  नेपालगञ्ज उपमहानगरपालिकाका उपेयर उमा थापा मगर र नेपाल राष्ट्र बैंक नेपालगञ्ज शाखाका निर्देशक मुक्तिनाथ सापकोटाले संयुक्त रूपमा बैंकको न्यूरोड शाखाको उद्घाटन गरे। यस्तै, बीपी चोक शाखाको नेपालगञ्ज उपमहानगरपालिकाका मेयर धवल शमशेर राणा र नेपाल राष्ट्र बैंक नेपालगञ्ज शाखाका निर्देशक सापकोटाले संयुक्त उद्घाटन गरे। बैंकको न्यूरोड नेपालगञ्ज शाखा १६ पुस र बीपी चोक शाखाको ९ भदौदेखि नै सञ्चालन गरी कारोबार हुँदै आएको थियो।  बैकले देशभर १८० वटा शाखा (३ एक्स्टेन्सन् काउन्टर सहित), १०१ शाखारहित बैंकिङ्ग सेवा, २०३  एटीएम  र एक हजार ६०० भन्दा बढी पोओएस मेसिनमार्फत् उच्चस्तरीय बैंकिङ सेवा प्रदान गर्दै आएको जनाएको छ।  बैंकले निक्षेपकर्ता तथा ग्राहकलाई प्रदान गरिने सेवालाई थप गुणस्तरीय बनाउन आफ्नो सेवालाई थप सुदृढ, आत्मीय र ग्राहकमुखी बनाउने उद्देश्य लिएको बताएको छ।