सुनको मूल्य तोलामा ६०० बढ्यो
<p>नेपाल सुनचाँदी व्यवसायी महासंघका अनुसार आज छापावाला र तेजाबी सुनको मूल्य प्रतितोला ६०० रूपैयाँले वृद्धि भएको छ। छापावाला सुनको मूल्य प्रतितोला ६९ हजार ८०० रूपैयाँ कायम भएको महासंघले जनाएको छ। १४ असाेजमा छापावाला सुन प्रतितोला ६९ हजार २०० मा खरीद बिक्री भएको थियो।</p>
<p>त्यसै गरी तेजाबी सुनको मूल्य प्रतितोला ६९ हजार ५०० रूपैयाँ निर्धारण भएको छ। १४ असाेजमा तेजाबी सुन प्रतितोला ६८ हजार ९०० रूपैयाँमा कारोबार भएको थियो।</p>
<p>सुनको मूल्य बढेसँगै चाँदीको मूल्य पनि सामान्य वृद्धि भएको छ। चाँदी प्रतितोला १० रूपैयाँले बढेर ८३५ पुगेको महासंघले जनाएको छ। <em>रासस</em></p>
प्रतिक्रिया दिनुहोस्
.jpg)
