२० हजारमै हेलिकप्टर चढेर अन्नपूर्ण बेस–क्याम्प जाने अफर
<p>काठमाडौं। ई–कमर्स कम्पनी रिचार्जरले नेपाल भ्रमण वर्ष २०२० लाई प्रवर्द्धन गर्ने उद्देश्यसहित ८ फागुन अर्थात २० फेब्रुअरीमा ‘बिग सेल अफर’ सञ्चालन गर्ने भएको छ।</p>
<p>उक्त दिन रिचार्जरले २२० रुपैंयामा क्युएफएक्स सिनेमाको टिकट दिनेछ भने २० हजार २० रुपैयाँमा हेलिकप्टर चढेर अन्नपूर्ण बेस क्याम्प पुग्न सकिने स्किम ल्याइएकाे कम्पनीका अध्यक्ष अलाइभ ग्लाइडरले बताए।</p>
<p>यसैगरी, शुन्य प्रतिशत व्याजदरमा किस्ताबन्दीमा मोबाईल, ल्यापटप, टिभी र अन्य ईलेक्ट्रोनिक्स सामग्री पनि उपलब्ध गराउने कम्पनीले बताएको छ।</p>
<p>कम्पनीकाअनुसार, मुभि टिकट किन्दा शुरूमा पुरै रकम भुक्तानी गर्नुपर्ने र २४ घण्टाभित्र २२० रूपैयाँ बाहेकको रकम खरिदकर्ताले फिर्ता पाउनेछन्।</p>
<p>रिचार्जरले भ्रमण वर्षभरी हरेक महिनाको २० तारिखमा बिग सेल सञ्चालन गर्ने बताएको छ।</p>
प्रतिक्रिया दिनुहोस्
.jpg)
