भारतबाट भित्रिने खसीबोका ५० प्रतिशतले कमी
<p style="text-align:justify">काठमाडौं । विगतका वर्षको तुलनामा भारतबाट यस वर्ष नेपालमा खसीबोका भित्रिने क्रम निकै कम भएको छ ।</p>
<p style="text-align:justify">यो वर्ष भारतबाट भित्रिने खसीबोकाको संख्या करीब ५० प्रतिशतले कमी भएको हो । </p>
<p style="text-align:justify">पशु सेवा विभागका अनुसार अघिल्लो वर्ष करीब पाँच लाख खसीबोका नेपाल भित्र्याइएको थियो । </p>
<p style="text-align:justify">यस वर्ष करीब २ लाख ३५ हजार खसीबोका मात्रै भित्रिएको विभागले जनाएको छ ।</p>
<p style="text-align:justify">आयात हुने खसीबोकाको भन्सार दर बढ्नु, स्वास्थ्य परीक्षण प्रमाणपत्र अनिवार्य हुनुलगायत कारणले कमी आएको विभागका सूचना अधिकारी डा. चन्द्र ढकाल बताउँछन् । </p>
<p style="text-align:justify">यसैगरी डोल्पा, मनाङ, मुस्ताङ लगायतका क्षेत्रमा उत्पादन हुने च्याङ्ग्राले पनि राम्रो बजार पाएका छन् । </p>
<p style="text-align:justify">स्वदेशी च्याङ्ग्राले पनि काठमाडौं, पोखरा लगायत शहरमा राम्रो बजार पाएको पशु सेवा विभागले जनाएको छ । रासस<br />
</p>
.jpg)
