दशैंमा २ करोड ५० लाखको खसीबोका बिक्री
<p>कावासोती। नवलपरासी पूर्वनवलपुरमा रहेका २ वटा सहकारीले दशैँमा दुई करोड ५० लाख रूपैंया बराबरको खसीबोका बिक्री गरेका छन्। </p>
<p>सहकारीले स्थापना गरेको संकलन केन्द्रमा किसानबाट सङ्कलित खसीबोका बिक्री गरिएको हो।</p>
<p>१० दिनको अवधिमा हुप्सेकोट गाउँपालिकाको झ्यालबासस्थित लेकबेंसी सामाजिक उद्यमी महिला सहकारी संस्थाले दुई करोड ३० लाख रूपैंयाको खसीबोका बिक्री गरेको छ।</p>
<p>नवलपुरको मैनाघाट सामाजिक उद्यमी महिला सहकारीले २० लाख रूपैंयाको खसीबोका बिक्री गरेको छ।</p>
<p>घटस्थापना शुरु भएपछि नवमीसम्ममा एक हजार ७६३ वटा खसीबोका बिक्री गरेको लेकबेंसी सामाजिक उद्यमी महिला सहकारी संस्थाकि व्यवस्थापक सुशीला परियारले बताएकि छन्।</p>
<p>सहकारीले किसानबाट जिउँदोमा प्रति केजी ४५० रूपैंयामा खरीद गरी १० रूपैंया मुनाफा राखेर विक्रि बाख्रापालन गर्ने कृषकलाई समेत बजारीकरणमा सहयोग मिलेको छ। <em>रासस</em><br />
</p>
प्रतिक्रिया दिनुहोस्
.jpg)
