प्रदेश सरकारको अनुदानमा नवलपुरमा होमस्टे
<p>नवलपरासी। नवलपुरको कावासोती नगरपालिका-१० मा घरबास (होमस्टे) स्थापना गरिएको छ। </p>
<p>गण्डकी प्रदेश सरकारको घरबास अनुदान सहयोग र स्थानीयको सक्रियतामा थारु समुदायको बसोबास रहेको चिलाहा रतौल क्षेत्रका १३ घरमा घरबास स्थापना गरिएको हो।</p>
<p>होमस्टे स्थापनाका लागि प्रदेश सरकारले १५ लाख रूपैंया अनुदान उपलब्ध गराएको कावासोती नगरपालिका- १० का वडाध्यक्ष टेकनारायण महतोले बताए।</p>
<p>१३ वटा घरमा स्थापना गरिएको घरबासमा १०४ जनासम्म एकैपटक बस्नसक्ने गरी व्यवस्थापन गरिएको छ।</p>
<p>प्रदेश सरकारको लागतमा सांस्कृतिक भवन समेत निर्माण गरिएको छ।</p>
<p>यहाँ वन्यजन्तु अवलोकनका लागि जङ्गल सफारी, डुङ्गा सयरका गर्न आन्तरिक तथा बाह्य पर्यटक आउँछन्। </p>
<p>होमस्टेमा थारु परिकार, नृत्यका साथै थारु संस्कृति प्रदर्शनी पर्यटकहरुका लागि आकर्षक छन्। <em>रासस</em></p>
प्रतिक्रिया दिनुहोस्
.jpg)
