चीनको नाकामा प्रवेश सहज बनाउन व्यवसायीको माग
<p>काठमाडौं। नेपाल राष्ट्रिय व्यवसायी महासंघले नेपालसँग जोडिएका चीनका नाकाहरुमा व्यवसायीलाई सहजरूपमा प्रवेश गर्न पाउनुपर्ने माग गरेको छ।</p>
<p>चिनियाँ राष्ट्रपति सी चिनिफिङको नेपालको राजकीय भ्रमणका क्रममा २५ असोजमा विज्ञप्ति जारी गर्दै महासंघले नेपाल–चीन व्यापारलाई अझ मजबुत र दीगो बनाउन व्यवसायीलाई सहजरूपमा नाकासम्म प्रवेश गर्न दिनुपर्ने माग गरेको हो।</p>
<p>अहिले नाका जोडिएका जिल्लाका नागरिकलाई मात्र नागरिकताको आधारमा नाकासम्म जान दिने व्यवस्था छ।</p>
<p>महासंघका अध्यक्ष नरेश कट्‍वालले चीनबाट नेपालमा धेरै सामान आयात हुने भएकाले व्यवसायीलाई सहजताका लागि मल्टिपल भिसाको व्यवस्था गर्नुपर्ने बताएका छन्।</p>
<p>चीनबाट नेपाल आउने सामान छुटाउनका लागि नाकासम्म पुग्न अस्थायी पासको व्यवस्था गर्न पनि महासंघले अनुरोध गरेको छ। <em>रासस</em><br />
</p>
प्रतिक्रिया दिनुहोस्
.jpg)
