९१८ मेगावाटका दुई जलाशययुक्त आयोजना चिनियाँ कम्पनीलाई
<p>काठमाडौं। चिनियाँ राष्ट्रपति सी चिनफिङको नेपाल भ्रमणकै सन्दर्भमा ९१८ मेगावाटका नेपालका दुई जलाशययुक्त आयोजना चिनियाँ कम्पनीले निर्माण गर्ने सम्झौता भएको छ।</p>
<p>पाँचथरमा पर्ने ७६२ मेगावाट क्षमताको तमोर र रोल्पामा पर्ने १५६ मेगावाटको माडी गरी दुई जलाशययुक्त आयोजना निर्माण गर्न २६ असोजमा सम्झौता भएको हो।</p>
<p>उर्जा, जलस्रोत तथा सिँचाइ मन्त्री वर्षमान पुन, उर्जा सचिव दिनेशकुमार घिमिरे, लगानी बार्डका प्रमुख कार्यकारी अधिकृत महाप्रसाद अधिकारी लगायतको उपस्थितिमा समझादारीपत्रमा हस्ताक्षर भएको छ।</p>
<p>समझदारीपत्रमा एचआइडिसिएलका प्रमुख कार्यकारी अधिकृत छविराज पोखरेल र पावर चाइनाका उपाध्यक्ष पान देङ युले हस्ताक्षर गरेका छन्। </p>
<p>कुल एक खर्ब ६४ अर्ब रूपैंया लागत अनुमान गरिएको उक्त आयोजनामा नेपाली कम्पनी हाइड्रोइलेक्ट्रिसिटी इन्भेष्टमेन्ट एन्ड डेभलपमेन्ट कम्पनी लिमिटेड (एचआइडिसिएल) को २६ प्रतिशत सेयर हुनेछ।</p>
<p>त्यसैगरी चिनियाँ कम्पनी पावर चाइनाको ७४ प्रतिशत हिस्सा हुनेछ।</p>
<p>आजको नयाँ पत्रिकामा छापिएको समाचार अनुसार दुवै आयोजना सार्वजनिक–निजी साझेदारी (पीपीपी) मोडमा निर्माण गरिनेछ।</p>
<p>कुल लागतमध्ये तमोरमा करिब एक खर्ब २५ अर्ब रूपैंया लाग्नेछ। त्यस्तै माडीका लागि ३९ अर्ब रूपैंया लाग्ने अनुमान गरिएको छ। </p>
प्रतिक्रिया दिनुहोस्
.jpg)
