गायक प्रकाश सपुतले गरेको सहयोग तीनै तहका सरकारलाई बाँडियो
<p>काठमाडौं । विश्‍वव्यापी महामारी बनेको कोरोना भाइरसको रोकथाम तथा नियन्त्रणका लागि गायक प्रकाश सपुतले दुई लाख रुपैयाँ सहयोगको घोषणा गरेका थिए । उनले दुई लाख रुपैयाँको चेक पत्रकार महासंघ बागलुङका अध्यक्ष दिल शिरिषको रोहबरमा महासंघ शाखालाई दिए।</p>
<p>उनको चाहना थियो- त्यो रकम सरकारकै मातहतमा रहेर चलाए पनि हुने। महासंघले भने उनको सहयोगलाई तीनै तहका सरकारलाई पुग्‍नेगरी दिएको छ। </p>
<p>संघीय सरकारको कोरोना भाइरस संक्रमण रोकथाम, नियन्त्रण तथा उपचार कोषमा एक लाख, गण्डकी प्रदेश सरकारको त्यस्तै कोषमा ५० हजार, स्थानीय सरकार (कोरोना कोष काठेखोला गाउँपालिका) मा ३० हजार रुपैयाँ र प्रकाशकै आफ्नो जन्मस्थलको पालिकामा २० हजार रुपैयाँ प्रदान गरिएको हो। </p>
<p>पूर्ववत घोषणामा फेरि १५ हजार रुपैयाँ थप गरेर ३० हजार रुपैयाँ बाँकी छ। त्यो पैसा पनि जटिलतामा परेका श्रमिक, मजदुर, विपन्‍न नागरिक र पत्रकारहरूलाई राहत सहयोग गर्नेगरी महासंघमै राखिएको छ । </p>
<p>सबै तहका सरकारलाई उक्त रकम बाँडफाँट गरिएकामा गायक प्रकाशले आभार प्रकट गरेका छन् ।</p>
प्रतिक्रिया दिनुहोस्
.jpg)
