अमेरिकामा एकैदिन थपिए एक लाख ६४ हजार संक्रमित
<p>काठमाडौं। अमेरिकामा एकैदिन एक लाख ६४ हजार ११५ जना कोरोना भाइरस संक्रमित थपिएका छन्। </p>
<p>चीनको वुहानबाट सुरू भएको कोरोना भाइरसको प्रभाव सबैभन्दा बढी अमेरिकामा परेको छ। </p>
<p>हालसम्म अमेरिकामा एक करोड ३४ लाख ५० हजार ५२८ जना संक्रमित भइसकेका छन्। </p>
<p>त्यहाँ दुई लाख ७१ हजार २५ जना संकमितको मृत्यु भइसकेको छ। पछिल्लो २४ घण्टामा एक हजार ३९८ जनाको मृत्यु भएको हो। </p>
<p>अमेरिकामा संक्रमणमुक्त हुनेको संख्या ७९ लाख ३२ हजार ८७० पुगेको छ। </p>
<p>५२ लाख ४६ हजार ९३४ सक्रिय संक्रमित रहेको अमेरिकामा २४ हजार ३९९ संक्रमित गम्भीर अवस्थाका छन्।</p>
प्रतिक्रिया दिनुहोस्
.jpg)
