हुम्लामा पुनः ११ सुरक्षाकर्मीमा कोरोना भाइरस सङ्क्रमण पुष्टि
<p>हुम्ला। उच्च हिमाली जिल्ला हुम्लामा पुनः ११ सुरक्षाकर्मीमा काेभिड-१९ पोजिटिभ देखिएको छ।</p>
<p>यही मङ्सिर १८ गते सिमकोट विमानस्थलमा कार्यरत एक महिला सुरक्षाकर्मीलाई कोरोना पोजेटिभ देखिएको थियो।</p>
<p>उनको सम्पर्कमा आएका अन्य सुरक्षाकर्मीको कन्ट्याक्ट ट्रेसिङका क्रममा स्वाब सङ्कलन गरी १२ जना सुरक्षाकर्मीको पीसीआर परीक्षण गरिएको थियो। </p>
<p>मङ्सिर १९ गते स्वाब संकलन गरी पीसीआर परीक्षणका लागि सुर्खेत पठाइएकोमध्ये ११ जनामा कोरोना देखिएको जिल्ला अस्पताल हुम्लाका सूचना अधिकारी भक्ति फडेराले जानकारी दिए। </p>
<p>यो सँगै हुम्लामा कोरोना सङ्क्रमितको कुल सङ्ख्या ७८ पुगेको छ। अहिले जिल्लामा सक्रिय सङ्क्रमितको सङ्ख्या ११ रहेको छ भने ६७ जना निको भइसकेका छन्। <em>रासस</em></p>
प्रतिक्रिया दिनुहोस्
.jpg)
