‘कोभ्याक्स’ मार्फत ६० लाख नेपालीलाई पुग्ने खोप उपलब्ध हुनेः एनआरएनए
<p>काठमाडौं। गैरआवासीय नेपाली संघ (एनआरएनए)ले ‘कोभ्याक्स’ सुविधामार्फत नेपालले ६० लाख नेपालीलाई पुग्ने खोप पाउने जनाएको छ। </p>
<p>एनआरएनएले आज एक विज्ञप्ती जारी गर्दै कोरोना भाइरस विरुद्धको खोपको साझा विकास र उचित वितरण अभियान ‘कोभ्याक्स’ सुविधामार्फत नेपालले २० प्रतिशत जनतालाई पुग्नेगरी खोप पाउने बताएको हो।</p>
<p>एनआरएनए अन्तर्गतको स्वास्थ्य समितिका अनुसार कोभ्याक्स सुविधामार्फत न्यून आय आएका नेपाल जस्ता मुलुकमा खोपको सहज वितरण गरिने भएकाले नेपालमा पनि ६० लाख मानिसका लागि कोरोनाविरुद्धको खोप उपलब्ध हुनेछ। </p>
<p>यद्यपी यसका लागि सबैभन्दा पहिले खोपको सफलता आवश्यक भएको समितिका संयोजक डा. सञ्जिव सापकोटाले जानकारी दिए। </p>
<p>“हाल विश्वभर ५८ वटा खोपको कोरोनाविरुद्ध क्लिनिकल ट्रायल भइरहेको छ। तीमध्ये १५ वटाको परीक्षण अन्तिम चरणमा छ। अमेरिकी र जर्मन साझेदार कम्पनी फाइजर र बायोएनटेकले निर्माण गरेको खोपलाई भने ५ वटा मुलुकले अनुमति दिइसकेका छन्। सो खोप ९५ प्रतिशत प्रभावकारी रहेको बताइएको छ,” एनआरएनएले जनाएको छ। <br />
<br />
हालसम्म बेलायत, बहराइन, क्यानडा, अमेरिका र मेक्सिकोले सो खोपको आपतकालिन प्रयोगका लागि अनुमति दिएका छन्। </p>
<p>ति देशले पहिलो चरणमा उच्च जोखिममा रहेका विरामी र वृद्ध-वृद्धालाई खोप दिइरहेका छन्। नेपालमा पनि सोही खोप ल्याउन सकिने संकेत सरकारी अधिकारीहरुले गरेका छन्। यद्यपी यस विषयमा औपचारिक निर्णय भइसकेको छैन। </p>
प्रतिक्रिया दिनुहोस्
.jpg)
