Health and Lifestyle

गृहपृष्ठ

कोरोना संक्रमणबाट विदेशमा थप ११ जना नेपालीको मृत्यु, ५२ हजारभन्दा बढीमा संक्रमण काठमाडौं। कोरोना भाइरस (कोभिड १९) को संक्रमणबाट विदेशमा थप ११ जना नेपालीको मृत्यु भएको छ। गैरआवासीय नेपाली संघ (एनआरएनए) का अनुसार विगत दुई सातामा युएईमा मात्र थप ८ जना नेपालीहरुको ज्यान गएको छ। यो साता मलेसियामा र केन्यामा थप एक–एक जना नेपालीको निधन भएको छ। एनआरएनएका अनुसार हालसम्म विदेशमा ५२ हजार १ सय ५७ जना नेपालमा कोरोना भाइरस कोभिड–१९ संक्रमण देखिएको छ। तीमध्ये  ४९ देशका ४९ हजार १ सय १० जना नेपाली  कोरोना संक्रमणबाट मुक्त भइसकेका छन्। यो कूल संक्रमितको ९४  प्रतिशत रहेको हो।  शनिवार साँझसम्म विश्वका विभिन्न २१ मुलुकमा रहेका ३ सय १२ जना जना नेपालीको कोरोना संक्रमणका कारण निधन भएको छ।  एनआरएनए अनुसार यो साता मलेसिया, भारत, कतार,  युएई, नाइजेरिया, साउथअफ्रिका, क्यानाडा, अष्ट्रिया, जापान र दक्षिण कोरियामा रहेका नेपालीहरुमा थप कोरोना संक्रमण देखिएको छ ।  हालसम्म नेपालमा मात्र २ लाख ५३ हजार १ सय ८४ जनामा कोरोना संक्रमण देखिएको छ। तीमध्ये २ लाख ४२ हजार ५ सय ६७ जना कोरोना मुक्त भइसकेका छन् ।  नेपालमा कोरोना संक्रमणबाट मुक्त हुने दर  ९५ दशमलव ८ प्रतिशत रहेको छ । नेपालमा कोरोना भाइरसको संक्रमणको कारणले १ हजार ७ सय ७७ जनाको ज्यान गएको छ।