नेपालमा जम्मा चार हजार सक्रिय संक्रमित
<p>काठमाडौं। स्वास्थ्य तथा जनसंख्या मन्त्रालयले नेपालमा जम्मा चार हजार ४२२ जना सक्रिय संक्रमित रहेको जानकारी दिएको छ। मन्त्रालयका प्रवक्ता डा. जागेश्वर गौतमले आज प्रेस ब्रिफिङको क्रममा यस्तो जानकारी दिएका हुन्।</p>
<p>उनका अनुसार सक्रिय संक्रमितमध्ये तीन हजार २४३ जना संस्थागत आइसोलेसनमा र एक हजार १७९ जना होम आइसोलेसनमा बसेका छन्। नेपालमा रहेका कुल संक्रमितमध्ये सबैभन्दा बढी बागमती प्रदेशमा रहेको मन्त्रालयले जानकारी दिएको छ।</p>
<p>बागमती प्रदेशमा २ हजार ७१५, प्रदेश एकमा ६ जना, लुम्विनीमा १८२, गण्डकीमा ६९, कर्णालीमा ४३ र सुदूर पश्चिम प्रदेशमा २२८ जना सक्रिय संक्रमित छन्। यसैगरी, होम आइसोलेसनतर्फ प्रदेश १ मा १७६, प्रदेश २ मा ६६, बागमतीमा ३०, गण्डकीमा २६६, लुम्विनीमा ४२९, कर्णालीमा १२ र सुदूर पश्चिममा २०० जना छन्।</p>
<p>गत बुधबारदेखि देशभर २४ हजार ७९२ पीसीआर परिक्षण गरिएकोमा जम्मा एक हजार ९९६ जनामा कोरोना संक्रमण देखिएको छ। त्यसमध्ये २४ जनाको मृत्यु भएको मन्त्रालयले जानकारी दिएको छ।<br />
</p>
प्रतिक्रिया दिनुहोस्
.jpg)
