Health and Lifestyle

गृहपृष्ठ

शिक्षक कर्मचारीलाई कोरोना खोप लगाउने व्यवस्था गर्न शिक्षा मन्‍त्रालयको पत्राचार काठमाडौं। शिक्षा, विज्ञान तथा प्रविधि मन्&zwj;त्रालयले शिक्षक कर्मचारीलाई कोरोना खोप लगाउने व्यवस्था गर्न स्वास्थ्य मन्&zwj;त्रालयलाई अनुरोध गरेको छ। मन्&zwj;त्रालयको सचिवस्तरीय निर्णयले स्वास्थ्य तथा जनसंख्या मन्&zwj;त्रालयलाई यस्तो अनुरोध गरिएको हो। सरकारको नीति बमोजिम प्राथमिकताका आधारमा खोप लगाउने व्यवस्था मिलाउन आग्रह गरिएको शिक्षा मन्&zwj;त्रालयका शाखा अधिकृत बलदेव भण्डारीले जानकारी दिए।   मन्&zwj;त्रालयले प्राथमिकताको आधारमा विद्यालय र विश्वविद्यालयमा कार्यरत प्राध्यापक तथा शिक्षकलाई खोप लगाउने व्यवस्था गर्न मन्&zwj;त्रालयलाई अनुरोध गरिएको हो।  मन्&zwj;त्रालयले अनुरोधसहितको पत्र स्वास्थ्य मन्&zwj;त्रालयलाई पठाएको छ। यसअघि शिक्षक महासंघ, नेपाल अभिभावक संघलगायतका सरोकारवाला निकायले लाखौं विद्यार्थीसँग जोडिने र फ्रन्टलाइनमा खटिने शिक्षकलाई कोभिड खोप लगाउने व्यवस्था मिलाउन शिक्षा मन्&zwj;त्रालयलाई अनुरोध गर्दै आएका थिए। उनीहरूले शिक्षामन्&zwj;त्री कृष्णगोपाल श्रेष्ठलाई ध्यानाकर्षण समेत गराएका थिए।  सरकारले दोस्रो चरणमा पत्रकार र विदेशी दूतावास, कुटनीतिक नियोगका अधिकारीलाई खोप लगाउन सुरु गरिसकेको छ। माघ १४ गतेबाट पहिलो चरणको खोप अभियान सुरू भएको थियो। अहिले दोस्रो चरणको अभियान सुरू भइसकेको छ।  शिक्षा मन्&zwj;त्रालयले चाँसो नदिँदा शिक्षक कर्मचारी पहिलो चरणमा छुटेको शिक्षक कर्मचारीहरूको गुनासो छ। शिक्षक कर्मचारी पनि पहिलो प्राथमिकतामा पर्नु पर्ने हो । तर, शिक्षा मन्&zwj;त्रालयको बेवास्ता गरेका कारण ढिलाइ भएको उनीहरूको आरोप छ।  अहिले खोप लगाउने शिक्षक कर्मचारीको यकिन तथ्याङ्क संकलनको काम भइरहेको छ। शिक्षा तथा मानव श्रोत विकास केन्द्रले सबै स्थानीय सरकारका शिक्षा शाखालाई गत पुस १० गते नै परिपत्र गरेर विवरण संकलन गर्न भनेको थियो। सोही आधारमा स्थानीय तहले विवरण संकलन गरेर केन्द्रमा पठाउने काम भइरहेको छ।  स्वास्थ्य मन्&zwj;त्रालयले भने शिक्षकहरूलाई प्राथमिकतामा नै राखेको जनाएको छ।