कोरोना भाइरसको त्रासले इटालियन सिरी 'ए' का तीन खेल स्थगित
<p><br />
काठमाडौं। चीनसहित विभिन्न देशमा फैलिरहेको कोरोना भाइरसको संक्रमणको भयका कारण इन्टर मिलान र साम्पडोरियासहित इटालियन सिरी ‘ए’ का तीन खेल स्थगित भएका छन्।</p>
<p>इटालीका प्रधानमन्त्री ज्युसेप कोन्टेले खेल स्थगित हुने घोषणा गरेका थिए।</p>
<p>‘‘खेलकुद मन्त्री भिन्सेन्जो स्पडाफोरा भेनेटो र लोम्बार्डी क्षेत्रमा आयोजना गरिएको सबै खेलकुद कार्यक्रम स्थगित गर्न चाहन्छन्,’’ प्रधानमन्त्री कोन्टेले भनेका छन्।</p>
<p>इन्टर र साम्पडोरियासँगै एटलान्टा र सासउलो तथा हेलास भेरोना र काग्लियरीबीचको खेल पनि स्थगित भएको छ।</p>
<p>इन्टर मिलानले ट्वीटरमार्फत खेल तालिका सरेको घोषणा गरेको थियो। शनिबार अघि अन्य फुटबल खेलहरू पनि स्थगित भएका थिए।</p>
<p>लोम्बार्डीकी एक महिलाको कोराना भाइरसबाट मृत्यु भएपछि इटालियन सरकारले उक्त कदम चालेको हो।</p>
<p>इटालीमा कोराना भाइरसबाट मृत्यु हुने उनी दोस्रो व्यक्ति हुन्।</p>
<p>गएराति नै सम्पन्न अन्य खेलमा साविक विजेता युभेन्टसले स्पाललाई २-१ ले हरायो।</p>
<p>युभेन्टसका लागि क्रिष्टियानो रोनाल्डो र एरोन राम्सेले गोल गरेका थिए भने स्पालका लागि आन्द्रे पेटाग्नाले पेनाल्टीमा गोल गरेक थिए।</p>
<p>बोलोग्ना र युडिनेसले १-१ को बराबरी खेल्दा नापोलीले ब्रेससियालाई २-१ ले पराजित गर्‍यो।</p>
प्रतिक्रिया दिनुहोस्
.jpg)
