पर्वत अस्पतालमा भाइरलका बिरामी बढे
<p>पर्वत। पर्वत अस्पतालमा मौसम परिवर्तनसँगै सिजनल भाइरलफ्लूका बिरामी बढेका छन्।</p>
<p>जिल्ला अस्पताल पर्वतका मेडिकल सुपरिटेन्डेन्ट डा. शिशिर देवकोटाले पछिल्ला केही दिनमा दैनिक १०० बढी भाइरल संक्रमित बिरामी स्वास्थ्य परीक्षणको लागि आइरहेको बताएका छन्।</p>
<p>उनीहरुमा लगातार उच्च ज्वरो आउने, रुघाखोकी लाग्ने, टाउको दुख्ने, मांसपेशी दुख्ने, जोर्नी दुख्ने, घाँटी दुख्नेजस्ता लक्षण देखिएको छ।</p>
<p>अघिपछि पनि भाइरलको सङ्क्रमण हुने गरेको भए पनि मौसम परिवर्तन हुने बेलामा भने सङ्क्रमण उच्च हुने डाक्टरले बताएका छन्। </p>
<p>कतिपय बिरामीले चिकित्सकको सल्लाहबिना नै एन्टिबायोटिक औषधिको प्रयोग गरेकाले भाइरलको सङ्क्रमण हुनासाथ एन्टिबायोटिक औषधिको सेवन गर्नु उपयुक्त नहुने डा. देवकोटाको सुझाव छ।</p>
<p>भाइरलका बिरामीहरुलाई झोलिलो खानेकुरा खान, घरमै आराम गरेर बस्न चिकित्सकको सल्लाह छ। <em>रासस</em> </p>
प्रतिक्रिया दिनुहोस्
.jpg)
