दर्शकबिनाको खेल, इन्टर मिलानलाई हराउँदै युभेन्टस शीर्ष स्थानमा
<p>काठमाडौं। कोरोना भाइरस संक्रमणको बढ्दो जोखिमका कारण खाली रंगशालामा खेलिएको खेलमा युभेन्टस गएराति उपाधि प्रतिद्वन्द्वी इन्टर मिलानलाई २-० ले पराजित गर्दै इटालियन सिरी ‘ए’ को शीर्ष स्थानमा उक्लिएको छ।</p>
<p>इटालीमा कोरोना भाइरस संक्रमणका कारण ३ अप्रिलसम्म सबै खेल खाली रंगशालामा खेलिनेछ।</p>
<p>इटालीमा ७ हजार ३७५ जनामा कोरोना भाइरस संक्रमण देखिएको छ भने ३६६ जनाको मृत्यु भइसकेको छ।</p>
<p>एरोना राम्से र पाउल डिबालाले गरेको गोल युभेन्टसलाई जिताउन पर्याप्त बन्यो।</p>
<p>जितसँगै युभेन्टसले शीर्ष स्थानमा एक अंकको अग्रता बनाएको छ। युभेन्टसको ६३ अंक छ।</p>
<p>जुन दोस्रो स्थानको लाजियोको भन्दा एक अंकले कम हो भने तेस्रो स्थानमा रहेको इन्टर मिलानको भन्दा नौ अंकले कम हो।</p>
<p>क्रिष्टियानो रोनान्डो भने गोल गर्न असफल भए। गत १० नोभेम्बरपछि रोनाल्डोले गोल नगरेको यो पहिलो पटक हो।</p>
<p>राम्सेले ५५औं मिनेटमा अग्रता दिएका थिए भने डिबालाले ६७औं मिनेटमा अग्रता दोब्बर बनाए।</p>
<p>इन्टर मिलानका प्रशिक्षक एन्टोनियो कोन्टेले उत्कृष्ट लयमा हुँदा पनि गोल गर्न नसकेको बताए।</p>
<p>‘‘आजको खेल सन्तुलित थियो। हामीले दोस्रो हाफमा पनि राम्रो खेलेका थियौं। तर, हामी उत्कृष्ट लयमा हुदाँ पनि गोल गर्न चुक्यौं,’’ कोन्टेले भने, ‘‘स्कोरबोर्डमा मात्र होइन हाम्रो टीम शारिरीक र मानसिक दुबै रुपमा कमजोर देखियो। यसबाट हामी माथि उठ्नुपर्छ। यो नतिजाबाट म निराश छु।’’</p>
प्रतिक्रिया दिनुहोस्
.jpg)
