लकडाउन उल्लंघन गर्दै खुले न्युरोडका पसल (तस्वीर र भिडिओ)
<p>काठमाडौं। ७२ दिनसम्म सुनसान रहेको काठमाडौंको व्यवसायिक केन्द्र न्युरोड आज लकडाउनको ७३ औं दिन एक्कासी चलमलायो।<br />
व्यवसायीहरूले बन्द रहेका सटर उघारे। यति लामो समयसम्म पसलमा जम्मा भएको धुलो बढारे। लामो समयसम्म पसल खोल्न नपाएपछि शुन्य व्यवसायमा पुगेका व्यवसायीले आज जबरजस्ती पसल खोलेका छन्।</p>
<p><img alt="" height="560" src="https://www.dekhapadhi.com/uploads/editor/NewFolder%202/jestha22/newroad%20pasal.jpg" width="840" /></p>
<p>नेपाल राष्ट्रिय व्यवसायी महासंघको सचिवालयस्तरको बैठकले हरेक दिन बिहान ८ देखि ११ बजेसम्म पसल खोल्ने निर्णय गरेकाले खोलिएको महासंघका अध्यक्ष नरेश कटुवालले बताए।</p>
<p>“हिजो नेपाल राष्ट्रिय व्यवसायी महासंघ’को सचिवालयस्तरको बैठकले छलफल गरेर नेपालभर रहेका उद्योगी-व्यवसायीलाई समेट्ने विषयमा छलफल भयो। सामाजिक दूरी कायम राख्दै र स्वास्थ्य सामग्री राखेर व्यवसाय सञ्चालन गर्ने निर्णय गरेका हौं। बिहान ८ बजेदेखि ११ बजेसम्म खोल्ने निर्णय गर्‍यौं”, कटुवालले भने।</p>
<p>उनले चार कारणले पसल खोल्न बाध्य भएको बताए। “घरबेटीले घरभाडा माग्ने, बैंकले ब्याज माग्ने, सरकारले कर माग्ने र व्यवसायीले कामदारलाई तलब पनि दिनुपर्ने यी चारवटा कारणले हामीले पसल खोल्ने निर्णय गर्‍यौ”, उनले भने।</p>
<p><img alt="" height="561" src="https://www.dekhapadhi.com/uploads/editor/NewFolder%202/jestha22/newroad%20pasal3.jpg" width="840" /></p>
<p>कटुवालले महासंघले पसल खोल्ने मापदण्ड पनि बनाउँदै गरेको बताए। व्यवसायीले पसल खोले पनि सरकारले लकडाउनको मोडल परिवर्तन गर्ने वा केही खुकुलो बनाउनेबारे निर्णय गरिसकेको छैन।</p>
<p><img alt="" height="536" src="https://www.dekhapadhi.com/uploads/editor/NewFolder%202/jestha22/newroad%20pasal%201.jpg" width="840" /></p>
<p>एक्कासी पसलहरू खुलेपछि प्रहरी-प्रशासनले भने बन्द गराउने प्रयत्न गरेको थियो। प्रहरीले जबरजस्ती बन्द गराउन खोजेको प्रति व्यवसायीहरूले आक्रोश पनि पोखे।</p>
<p>“प्रशासनले बन्द गर्न दबाब दिनु उचित भएन। हामी पनि एक्काइसौं शताब्दीका नागरिक हौं। स्वास्थय सुरक्षा कसरी गर्ने भन्नेबारे हामीलाई पनि थाहा छ”, कटुवालले भने।</p>
<p><img alt="" height="537" src="https://www.dekhapadhi.com/uploads/editor/NewFolder%202/jestha22/newroad%20pasal5.jpg" width="840" /></p>
<p><img alt="" height="560" src="https://www.dekhapadhi.com/uploads/editor/NewFolder%202/jestha22/newroadpasal4.jpg" width="840" /></p>
<p>आजै काठमाडौंको चावहिल, जोरपाटी लगायतका स्थानमा पनि व्यवसायीले पसल खोलेका थिए। प्रहरीले पसल बन्द गराउन खोजेपछि व्यवसायीले आक्रोश पोखेका थिए।</p>
<p><iframe allow="accelerometer; autoplay; encrypted-media; gyroscope; picture-in-picture" allowfullscreen="" frameborder="0" height="315" src="https://www.youtube.com/embed/gNlwf3ZPfGc" width="560"></iframe></p>
प्रतिक्रिया दिनुहोस्
.jpg)
