.jpg)
.jpg)
‘महिला क्रिकेटमा पनि ट्यालेन्टको कमी छैन’
<p>काठमाडौं। नेपालमै पहिलोपटक भएको महिला फ्रेन्चाइज क्रिकेट लिगको उपाधि चितवन राइनोजले जित्यो। ७ कात्तिकमा सम्पन्न फाइनलमा क्याट क्वीन्स काठमाडौंलाई पराजित गर्दै चितवनले पहिलो संस्करणमा नगदसहित उपाधि जितेको हो। </p>
<p>क्वीन्स इभेन्ट म्यानेजमेन्टले आयोजना गरेको वुमन च्याम्पियन्स लिग (डब्लुसिएल) टी–२० क्रिकेटमा पाँच फ्रेन्चाइज टीम सहभागी थिए।</p>
<p>यसअघि पुरुष क्रिकेटरका लागि फ्रेन्चाइज लिग हुँदै भए पनि नेपालमा पहिलोपटक महिला क्रिकेटको फ्रेन्चाइज भएको हो। प्रतियोगिता सफल बनाउन पुरुष क्रिकेटरहरू पनि लागिपरेका थिए ।</p>
<p>राष्ट्रिय टीमका पूर्व कप्तान पारस खड्का र उपकप्तान ज्ञानेन्द्र मल्लको सक्रियता बढी थियो। गत वर्षको पोखरा प्रिमियर लिग (पीपीएल) मा मुख्य खेलाडी भूमिका रहेका यी दुवैजना अहिले भने खुलेरै व्यवस्थापनमा लागे।</p>
<p>कीर्तिपुरस्थित टीयू अन्तर्राष्ट्रिय मैदान एक साता चलेको लिगमा पारस र ज्ञानेन्द्र पूरै समय खटे। लिग नसकिन्जेल यी दुई खेलाडीले व्यवस्थापनलाई चुस्त बनाउन कुनै कसर बाँकी राखेनन्।</p>
<p>७ कात्तिकमा फाइनल भएकै दिन पारस खड्काको जन्मदिन थियो। पुरस्कार वितरणपछि मैदानमै केक समेत काटिएको थियो।</p>
<p>त्यही अवसरमा ३२ वर्षीय अलराउण्डर <em><strong>पारस खड्का</strong></em>सँग <em>देखापढी</em>का लागि <em><strong>गोविन्दराज नेपाल</strong></em>ले गरेको अन्तर्वार्ता:</p>
<p><strong>पहिलोपटक महिला फ्रेन्चाइज क्रिकेट लिग सम्पन्न भएको छ। समग्रमा प्रतियोगिता कस्तो रह्यो ?</strong><br />
हाम्रा महिला क्रिकेटरले यो प्रतियोगिता खेल्न पाउनु नै सबैभन्दा ठूलो उपलब्धि हो। हामीले भन्दै आएका छौं, नेपालमा ट्यालेन्टको कमी छैन।</p>
<p>त्यसलाई देखाउन उपयुक्त 'प्लेटफर्म' चाहिन्छ। अहिलेको 'वुमन च्याम्पियन्स लिग' त्यही 'प्लेटफर्म' बन्यो। आशा छ, यो प्रतियोगिता आगामी दिनमा अझ ठूलो हुनेछ। व्यक्तिगतरूपमा सक्दो प्रयास गर्नेछौं। </p>
<p>एउटा मात्र प्रतियोगिताले हुँदैन। जतिसक्दो धेरै प्रतियोगिता गर्नुपर्छ। आर्थिकरूपमा उनीहरू सबल हुने वातावरण बन्नुपर्छ। महिला क्रिकेटमा पनि जतिसक्दो लगानी गर्नुपर्छ।</p>
<blockquote>
<p>यो शुरुवात हो। मलाई आशा छ, महिला क्रिकेटमा पनि सबैको सहयोग रहनेछ । पुरुष क्रिकेट हुँदा स्टेडियम भर्ने दर्शक र फ्यानहरूलाई पनि मेरो आग्रह छ-महिला क्रिकेट पनि मैदानमै गएर हेर्दिनुहोला। </p>
</blockquote>
<p><strong>गत वर्ष पीपीएलको व्यवस्थापनमा लागेको भए पनि त्यति खुल्नुभएको थिएन। यसपटक फुर्सद भएकोले पनि हुन सक्छ, खुलेर नै व्यवस्थापनमा लाग्नुभयो। प्रतियोगिता आयोजनाको अनुभव कस्तो रह्यो? </strong><br />
मुख्य भूमिका स्पोन्सर र टीम मालिकको हो। खेलमा धेरै अनुभव लिइयो। आफ्नो त्यही अनुभवलाई कहिले व्यवस्थापकको रूपमा, कहिले खेलाडीको रूपमा प्रदर्शन गर्न सकिन्छ। </p>
<p>अहिले व्यवस्थापकको रूपमा चुनौती त थियो। किनभने महिला क्रिकेटमा धेरै काम गरिएको थिएन। गत वर्ष पोखरा प्रिमियर लिग भएपछि केही गर्न सकिन्छ भन्ने विश्वास थियो।</p>
<p>आशा छ आगामी दिनमा सबैको अझ धेरै सहयोग पाइयोस् र महिला क्रिकेटलाई माथि पुर्‍याउन सकियोस् । </p>
<p style="text-align:center"><img alt="" height="960" src="https://www.dekhapadhi.com/storage/photos/shares/Sports/paras khadka (2).jpg" width="842" /></p>
<p><strong>अब व्यवस्थापनमा सक्रिय हुने हो ?</strong><br />
होइन। अहिले खेलाडीको रूपमै रहनेछु। तर, नेपालमा क्रिकेटको विकासका लागि जहाँबाट भूमिका निर्वाह गर्नसक्छु त्यसरी नै आफूलाई प्रस्तुत गर्ने हो।</p>
<p><strong>पुरुष र महिला क्रिकेट आयोजनाको फरक के हुँदोरहेछ? महिला लिगका लागि थप चुनौती हुन्छ? </strong><br />
शुरुमा टीम ‘फाइनलाइज’ गर्न चुनौती हुन्छ। त्यसपछि स्पोन्सर खोज्न। पुरुष क्रिकेटका लागि स्पोन्सर सजिलै पाइने भए पनि महिलाका लागि त्यति सजिलो रहेनछ। </p>
<p>पहिलो वर्षमै ठूलो अपेक्षा हाम्रो पनि थिएन। प्रतियोगिता सञ्चालन गर्न, खेलाडी र पुरस्कारका लागि रकम आवश्यक थियो। सबैको सहयोगबाट यो सबैमा सफल भयौं। </p>
<blockquote>
<p>महिला क्रिकेट अहिले जुन अवस्थामा छ, पहिले हामी पनि त्यहीं थियौं । हामीलाई यहाँसम्म आइपुग्न फ्यानहरूको ठूलो सहयोग थियो। उहाँहरूको उत्साह, जोश, ‘सपोर्ट’को आवाज सुन्दा मैदानमा गएर जे पनि गर्न सक्छु भन्ने विश्वास आउँथ्यो। महिला क्रिकेटरहरूमा पनि अहिले त्यस्तै विश्वास भरिदिनुछ।</p>
</blockquote>
<p><strong>आगामी वर्षहरूमा महिला क्रिकेटका लागि लगनी जुटाउन कत्तिको सहज होला? </strong><br />
यो शुरुवात हो। मलाई आशा छ, महिला क्रिकेटमा पनि सबैको सहयोग रहनेछ। पुरुष क्रिकेट हुँदा स्टेडियम भर्ने दर्शक र फ्यानहरूलाई पनि मेरो आग्रह छ- महिला क्रिकेट पनि मैदानमै गएर हेर्दिनुहोला। </p>
<p>आगामी दिनमा महिला क्रिकेटलाई अझ धेरै सपोर्ट चाहिएको छ। महिला क्रिकेट अहिले जुन अवस्थामा छ, पहिले हामी पनि त्यहीं थियौं ।</p>
<p>हामीलाई यहाँसम्म आइपुग्न फ्यानहरूको ठूलो सहयोग थियो। उहाँहरूको उत्साह, जोश, ‘सपोर्ट’को आवाज सुन्दा मैदानमा गएर जे पनि गर्न सक्छु भन्ने विश्वास आउँथ्यो ।</p>
<p>महिला क्रिकेटरहरूमा पनि अहिले त्यस्तै विश्वास भरिदिनुछ। त्यसका लागि सबैले व्यक्तिगतरूपमा आफूले सके जति गरौं । </p>
<p><strong>प्रतियोगितापछि कस्ता सुझाव पाउनुभएको छ ?</strong><br />
राम्रो ‘रेस्पोन्स’ पाएका छौं। मिडियाले पनि राम्रो ‘सपोर्ट’ गरेको छ। हामीले अझै नयाँ नयाँ खेलाडी जन्माउनु छ।</p>
<p>महिला क्रिकेटरमा पनि उस्तै क्षमता र सम्भावना छ भन्ने यो प्रतियोगितामा हामीले देखिसकेका छौं। यस्ता प्रतियोगिता अझै होउन् भन्ने आशा छ।</p>
प्रतिक्रिया दिनुहोस्
.jpg)
