सामाजिक दूरी कायम गर्दै शिक्षण (तस्वीरहरू)
<p style="text-align: justify;">काठमाडौं। कोरोना भाइरस महामारीका अहिले कारण देशभरका शैक्षिक संस्था बन्द छन्।</p>
<p style="text-align: justify;">लकडाउनका बेला केही विद्यालयहरूले अनलाइन कक्षा सुरु गरेका थिए। निजी विद्यालयहरूको संगठन प्याब्सन निर्देशनमा केही दिन यता ती कक्षाहरू बन्द भएका छन्। </p>
<p style="text-align: justify;">तर, काठमाडौं महागरपालिका-१७, क्षेत्रपाटीस्थित बालविकास आधारभूत विद्यालयमा भने तीन-चार दिन यता विद्यार्थीको चहलपहल बढेको छ। विद्यार्थी आउँछन्, पढ्छन् अनि जान्छन्। जुन दृश्य अहिले अन्यत्र देख्न पाइँदैन। </p>
<p style="text-align: justify;"><img alt="" src="/uploads/editor/2020-07-19/120206166school lockdown 1.jpg" /></p>
<p style="text-align: justify;">“विद्यार्थी र अभिभावक पूर्णरूपमा कक्षा सञ्चालन गर्न माग गरिरहेका छन्,” विद्यालयमा कक्षा सञ्चालन गर्नुको कारण विद्यालयका प्राध्यापक विमला अधिकारीले बताइन्। </p>
<p style="text-align: justify;">बालविकास आधारभूत विद्यालयमा कक्षा ८ सम्म पढाइ हुन्छ। यो विद्यालय ‘स्टेशनरी क्याम्पेन २०११’ मार्फत् ‘केही गरौं’ अभियानसँग पनि जोडिएको छ।</p>
<p style="text-align: justify;">यो अभियानले कमजोर अवस्थाका विद्यार्थीलाई शिक्षण सामग्री, स्वेटर, खाजा, स्कुल जुत्ता तथा पोसाक उपलब्ध गराउने गर्छ।</p>
<p style="text-align: justify;">“वडा कार्यालय तथा अभिभावकको आग्रहमा तीन दिन अघिदेखि यो विद्यालय सञ्चालन गरिएको हो,” प्राध्यापक अधिकारीले भनिन्। </p>
<p style="text-align: justify;">अहिले दैनिक दुई घण्टा कक्षा सञ्चालन गरिएको छ। विशेषगरी दुई घण्टामा चित्रकला, हस्तलेखन तथा कोरोना महामारीबारे चेतनामूलक कुरा सिकाउने काम भइरहेको छ।</p>
<p style="text-align: justify;">“आज विद्यालयमा दुई देखि आठ कक्षासम्मका २५ जना उपस्थित थिए। कक्षामा सामाजिक दूरी, हात धुने, मास्क लगाउने तथा थर्मलगनबाट ज्वरो नाप्ने कामसमेत गरिन्छ,” उनले भनिन्। </p>
<p style="text-align: justify;"><img alt="" src="/uploads/editor/2020-07-19/120217626school lockdown 2.JPG" /></p>
<p style="text-align: justify;">प्राध्यापक अधिकारीका अनुसार विद्यालयमा अधिकांश विद्यार्थी टुहुरा र गरिब परिवारका छन्। भर्चुअल कक्षा सञ्चालन गर्नका लागि मोबाइल, ल्यापटप, टेलिभिजन तथा इन्टरनेटजस्ता आधुनिक प्रविधिमा उनीहरूको पहुँच छैन।</p>
<p style="text-align: justify;">यसकारण पनि उनीहरूलाई विद्यालयमै राखेर दुई घण्टा कक्षा सञ्चालन गर्न थालिएको हो। हाल ११ जना शिक्षकले कक्षा लिइरहेका छन्।</p>
<p style="text-align: justify;">‘‘पूर्णरूपमा कक्षा सञ्चालन गर्न माग गरिएको भए पनि हामी शिक्षण सामग्रीको व्यवस्था, विद्यालयमा आवश्यक पर्ने स्वस्थ वातावरण मिलाउने र विद्यार्थीको पठनपाठनका साथै उनीहरूको समग्र विकासका लागि काम गरिरहेका छौं,’’ प्राध्यापक अधिकारीले जानकारी दिइन्। </p>
<p style="text-align: justify;"><img alt="" src="/uploads/editor/2020-07-19/120826589school lockdown 3.JPG" /></p>
<p style="text-align: justify;"><img alt="" src="/uploads/editor/2020-07-19/120421535school lockdown 11.jpg" /></p>
<p style="text-align: justify;"><img alt="" src="/uploads/editor/2020-07-19/120416343school lockdown 13.jpg" /></p>
<p style="text-align: justify;"><img alt="" src="/uploads/editor/2020-07-19/120411699school lockdown 12.JPG" /></p>
<p style="text-align: justify;"><img alt="" src="/uploads/editor/2020-07-19/120403548school lockdown 10.jpg" /></p>
<p style="text-align: justify;"><img alt="" src="/uploads/editor/2020-07-19/120355553school lockdown 9.jpg" /></p>
<p style="text-align: justify;"><img alt="" src="/uploads/editor/2020-07-19/120347260school lockdown 8.JPG" /></p>
<p style="text-align: justify;"><img alt="" src="/uploads/editor/2020-07-19/120307838school lockdown 5.jpg" /></p>
<p style="text-align: justify;"><img alt="" src="/uploads/editor/2020-07-19/120234419school lockdown 4.JPG" /></p>
प्रतिक्रिया दिनुहोस्
.jpg)
