बच्चालाई मोबाइलमा भुलाउने बानी छ ? होस् गर्नुस्, मस्तिष्कमै क्षति पुग्नसक्छ
<p>- <strong>मार्क एन्ड्रयुज</strong></p>
<p>आफ्नो बच्चा रून कराउन वा झगडा गर्न थाले के गर्नुहुन्छ? अचेल धेरै अभिभावकले मोबाइल वा ट्याब दिएर भुलाउने गर्छन्। </p>
<p>मोबाइलको चम्किलो स्क्रिनमा चलायमान चित्र र आवाज सुनेर बच्चाहरू रमाउँछन्। एकैछिनका लागि भोक पनि बिर्सिदिन्छन्। असन्तुष्टि भुलिदिन्छन्।</p>
<p>त्यसैले पनि अभिभावकले खासगरी केही महिना वा बर्षका शिशुहरूलाई मोबाइल वा ट्याबमा भुलाउने गरेका छन्। </p>
<p>तर विज्ञहरू यो खतरनाक अभ्यास हुनसक्ने बताउँछन्।</p>
<p>हालै भएको एक अनुसन्धान अनुसार मोबाइलले बालबालिकामा स्क्रिनमै निर्भर रहनुपर्ने अवस्था ‘स्क्रिन डिपेन्डेन्सी डिसअर्डर’ (एसडीडी) निम्त्याउँछ।</p>
<p style="text-align:center"><img alt="" height="768" src="https://www.dekhapadhi.com/storage/photos/shares/Technology/IMG_8742-1024x768.jpg" width="1024" /></p>
<p> </p>
<p>यो समस्या शुरू भएपछि बच्चाहरूमा निद्रा नलाग्ने, कम्मर दुख्ने, तौल बढ्ने वा घट्ने लगायतका समस्या देखापर्छन् । त्यतिमात्र होइन, उनीहरुको आँखाको क्षमता कमजोर हुने, टाउको दुख्ने, खाना कम खानेजस्ता समस्या पनि देखापर्न सक्छन् । </p>
<p>‘फ्यामिली लाइफ एन्ड चाइल्ड डिभलपमेन्ट’ विज्ञ क्लाउडेट अभेलिनो टान्डोक भन्छन्,</p>
<p>“बालबालिकाले नियमित पारिवारिक जीवन बिताउन थालेका छैनन् वा समय जुटाउन सकेका छैनन् भने अभिभावकहरू सचेत हुनैपर्छ।”</p>
<p>टान्डोक थप्छन्, “ग्याजेटहरू आफैमा गलत होइनन्। ती उपयोगी र अनिवार्य छन्। तर अभिभावकले बालबालिकालाई यसको लतमा पर्नबाट जोगाउनैपर्छ।“</p>
<p><strong>कति समय उपयुक्त?</strong></p>
<p>अमेरिकन एकेडेमी अफ् पेडियाट्रिक्स (एएपी) ले यसबारे एउटा छुट्टै अनुसन्धान गरेको छ । सो अनुसन्धानले देखाए अनुसार दुई बर्ष देखि पाँच वर्षसम्मका शिशुलाई दिनको एक घण्टा भन्दा बढी समय मोबाइल दिनुहुँदैन। अनुसन्धानले १८ महिनाभन्दा मुनिका शिशुलाई त मोबाइलबाट परै राख्नु बेस हुने तथ्य उजागर गरेको छ।</p>
<p><em>एलिट रिडर्सबाट अनुदित</em><br />
</p>
प्रतिक्रिया दिनुहोस्
.jpg)
