Instant News

मानव बेचबिखन तथा ओसारपसारमा संलग्न रहेको अभियोगमा काठमाडौं ठमेल बस्ने चिनियाँ नागरिकद्वय चेन याङ ररूआन चाओहोङलाई प्रहरीले पक्राउ गरेको छ। उनीहरूले रोजगारीको प्रलोभनमा पारी ३ जना नेपालीलाई गत भदौ १७ गते काठमाडौंबाट भारत, थाइल्याण्ड हुँदै लाओस पुर्याएका थिए। त्यहाँ पुर्याएपछि नेपालीलाई गैरकानुनी कार्यमा लगाएको प्रहरीले जनाएको छ। पीडितहरुको उजुरीको आधारमा उनीहरुलाई प्रहरीले ठमेल र त्रिभुवन अन्तर्राष्ट्रिय विमानस्थलबाट पक्राउ गरेको हो।