नेपाल र मलावीबीच कूटनीतिक सम्बन्ध स्थापना, नेपालको कूटनीतिक सम्बन्ध रहेका देशको संख्या १७८ पुग्यो
काठमाडौं, ५ फागुन। नेपाल र मलावीबीच बिहीबार कूटनीतिक सम्बन्ध स्थापना भएको छ। योसँगै नेपालको कूटनीतिक सम्बन्ध रहेका देशको संख्या १७८ पुगेको छ। संयुक्त राष्ट्रसंघका लागि नेपाली स्थायी प्रतिनिधि अमृतबहादुर राई र राष्ट्रसंघका लागि मलावीका स्थायी प्रतिनिधि एग्नेस मेरी चिम्बीरी–मोलान्डेले कूटनीतिक सम्बन्ध स्थापना सम्बन्धी संयुक्त विज्ञप्तिमा हस्ताक्षर गरेका थिए।कूटनीतिक सम्बन्ध स्थापनाको बारेमा राष्ट्र संघका महासचिव एन्टोनियो गुटेरेसलाई जानकारी गराइएको छ।
प्रतिक्रिया दिनुहोस्
.jpg)
