शिक्षकहरुको आन्दोलन आज तेस्रो दिन पनि जारी
काठमाडौं,अशोज ५।शिक्षा विधेयकविरूद्ध शिक्षकहरुको आन्दोलन आज पनि जारी रहेको छ।उनीहरुले काठमाडौंको माइतीघर मण्डलदेखि बानेश्वरसम्म आन्दोलन गरिरहेका छन्।शिक्षकहरूको आन्दोलनले सडक अस्तव्यस्त बनेको छ।जसले गर्दा सडकमा जाम बढेको छ।ट्राफिक प्रहरीले आन्दोलनलाई मध्यनजर गर्दै सवारीसाधनहरूलाई वैकल्पिक मार्ग प्रयोग गर्न अनुरोध गरेको छ।शिक्षकहरूले सरकारले संसदमा दर्ता गरेको शिक्षा विधेयकको विरोध गर्दै अनिश्चितकालीन आन्दोलन सुरू गरेका हुन्।आफ्नो माग पूरा नभएसम्म जारी राख्ने बताएका छन्।
प्रतिक्रिया दिनुहोस्
.jpg)
