दाङको शिवखोलामा यात्रुवाहक बस दुर्घटना, २५ जनाभन्दा बढी यात्रु घाइते
काठमाडौं, ९ असोज। काठमाडौँबाट सुर्खेत जाँदै गरेको यात्रुवाहक रात्रिबस पूर्वपश्चिम राजमार्गअन्तर्गत दाङ,लमही नगरपालिका–९ शिवखोलामा दुर्घटना हुँदा २५ जनाभन्दा बढी यात्रु घाइते भएका छन्। कर्णाली प्रदेश ०२–००१ख ०३६२ नम्बरको यात्रुवाहक बस बिहान दुर्घटना भएको र घाइते याुत्रहरूको लमही अस्पतालमा उपचार भइरहेको जिल्ला प्रहरी कार्यालय दाङले जनाएको छ। बसमा ४५ जना यात्रु सवार थिए। घटनाबारे अनुसन्धान जारी छ।
प्रतिक्रिया दिनुहोस्
.jpg)
