गभर्नरको पहिलो निर्णयः वित्तीय क्षेत्रमा कोभिड–१९ को दुस्प्रभाव अध्ययन गर्न समिति गठन
<p>काठमाडौं। कोभिड–१९ ले वित्तीय क्षेत्रमा पारेको दुस्प्रभाव अध्ययन गर्न राष्ट्र बैंकले अध्ययन समिति बनाएको छ।</p>
<p>राष्ट्र बैंकको अनुसन्धान विभाग प्रमुख गुणाकर भट्टको संयोजकत्वमा अध्ययन समिति बनाएको भट्टले जानकारी दिए।</p>
<p>नव नियुक्त गभर्नर महाप्रसाद अधिकारीले पद बहाली गर्दा पहिलो निर्णयमार्फत अध्ययन समिति गठन गरेका हुन्।</p>
<p>उक्त समितिमा राष्ट्र बैंकको अनुसन्धान, नियमन, सुपरिवेक्षण, विदेशी विनिमय, भुक्तानी प्रणाली विभागका प्रमुख र नेपाल बैंकर एशोसिएशनका अध्यक्ष समेत रहने गरी अध्ययन समिति बनाइएको छ। उक्त समितिको सदस्य सचिवमा अनुसन्धान विभागका निर्देशकलाई तोकिएको छ।</p>
<p>समितिले एक महीनामा प्रारम्भिक प्रतिवेदन बुझाउने र नीतिगत रूपमा नियमित अध्ययनमा रहने कार्यादेश तोकिएको भट्टले जानकारी दिए।</p>
प्रतिक्रिया दिनुहोस्
.jpg)
