साधुको हत्या आरोपमा तीन पक्राउ
<p>२६ असाेजमा अन्दाजी १४ र १६ वर्षीय दुई स्थानीय किशोरलाई नियन्त्रणमा लिइएको डडेल्धुराका प्रहरी प्रमुख प्रहरी नायब उपरीक्षक दधीराम न्यौपानेले जानकारी दिए।</p>
<p>अर्का आरोपित घटनापश्चात डडेल्धुरा र बैतडीको सिमानामा लुकीछिपी बसेको सूचनाका आधारमा पक्राउ परेका हुन्।</p>
<p>तर, बालबालिका ऐन, २०७५ को दफा ११ बमोजिम उनीहरुको परिचय भने खुलाइएको छैन।</p>
<p>पक्राउ परेका तीनैजनाविरुद्ध कानूनी प्रक्रिया अगाडि बढाइएको डडेल्धुरा प्रहरीले जनाएको छ।</p>
<p>प्रहरीका अनुसार ती किशाेरहरू २० असाेजमा घटनास्थल नजिकै अजयमेरु गाउँपालिका–१, समैजी कोटेलीमा रहेको पसलमा मदिरा सेवन गरी होहल्ला गर्दै साधुको कुटीमा गएका थिए।</p>
<p>फर्कने क्रममा नजिकै सडकमा उमाशङ्कर गिरी साधुसँग भेट भएको र विवाद भएको जनाइएको छ।</p>
<p>पक्राउ परेका १६ वर्षीय किशोरले ढुङ्गा प्रहार गरेका थिए।</p>
<p>त्यसपछि गिरी भागेर आफ्नो कुटीमा प्रवेश गरी लुकेका तर मदिराको मातमा रहेका उनीहरूले लखेट्दै गई पुनः ढुङ्गा प्रहार गरी सो स्थानबाट भागेर आ–आफ्नो घर गएको प्रारम्भिक अनुसन्धानबाट खुलेको डडेल्धुरा प्रहरीले जनाएको छ।</p>
<p>घटनास्थलको सूक्ष्म अवलोकन, घटनास्थल वरिपरि भेटिएका सबुत प्रमाणहरूको अध्ययन विश्लेषण, घटनास्थल वरिपरि रहेका स्थानीय तथा प्रत्यक्षदर्शीहरूले खुलाइदिएका विवरणहरू, शङ्कास्पद व्यक्तिहरू माथिको सूक्ष्म निगरानी, पक्राउ परेका व्यक्तिहरूको प्रारम्भिक बयान र अन्य प्राविधिक विश्लेषणलगायतका आधारमा उनीहरूलाई नियन्त्रणमा लिइएको जिल्ला प्रहरी कार्यालय डडेल्धुराका प्रमुख प्रहरी नायब उपरीक्षक न्यौपानेले बताए।</p>
<p>घटनाको थप अनुसन्धान भइरहेको प्रहरीको भनाइ छ। <em>रासस</em></p>
प्रतिक्रिया दिनुहोस्
.jpg)
