सरकारी निर्देशन अटेर गरी भरी सिलिन्डर बेच्ने दुई ग्यास उद्योग कारबाहीमा
<p>काठमाडौं। नेपाल आयल निगमले दुई ग्यास उद्योगको कारोबार १५ दिनका लागि रोक्का गरेको छ।</p>
<p>नवलपरासीको जानकी ग्यास र बाराको लियो ग्यास उद्योगलाई १५ दिनसम्म कारोबार गर्न नमिल्ने गरी कारबाही गरिएको निगमका प्रवक्ता विनितमणी उपाध्यायले जानकारी दिए।</p>
<p>खाना पकाउने ग्यासको अभाव टार्न निगमले नेपाल भरका ग्यास उद्योगलाई बजारमा आधा भरेको सिलिन्डरमात्र पठाउन निर्देशन दिएको थियो।</p>
<p>ग्यासको भरी सिलिन्डर बजार पठाए कारबाही गर्ने चेतावनी सबै ग्यास उद्योगलाई दिइएको थियो।</p>
<p>तर, निगमको निर्देशन नमानेर बजारमा ग्यासको भरी सिलिन्डर पठाएको पाएपछि दुई उद्योगलाई कारबाही गरिएको हो।</p>
प्रतिक्रिया दिनुहोस्
.jpg)
