देशभर १० प्रयोगशालाबाट कोभिड-१९ परीक्षण गरिँदै, अहिलेसम्म दुई हजार ३६६ को परीक्षण
<p>काठमाडौं। देशभरका १० स्थानबाट कोभिड-१९ को परीक्षण थालिएसँगै पछिल्ला दुई दिनमा तुलनात्मक रूपमा केही तीव्र गतिमा परीक्षण भएको पाइएको छ। सात वटै प्रदेश समेट्ने गरी १० स्थानमा प्रयोगशाला बनाएर कोभिड-१९ को परीक्षण थालिएको हो। </p>
<p>राष्ट्रिय जनस्वास्थ्य प्रयोगशालासहित बागमती प्रदेशमा चार वटा प्रयोगशाला छन् भने बाँकी प्रदेशमा एक-एक वटा प्रयोगशाला स्थापना गरिएको छ। </p>
<p>२४ चैत साँझसम्म एक हजार ८९० जनाको परीक्षण गरिएकोमा पछिल्लो दुई दिनमा ४७६ जनाको परीक्षण गरिएको छ। यससँगै देशभरबाट अहिलेसम्म दुई हजार ३६६ जनाको परीक्षण गरिएको छ, जसमध्ये ९ जनामा कोभिड-१९ को संक्रमण देखिएको छ। तीमध्ये एक जनालाई निको भइसकेको छ। </p>
<p>स्वास्थ्य तथा जनसंख्या मन्त्रालयका अनुसार २५ चैतसम्ममा दुई हजार १२२ जनाको परीक्षण गरिएकोमा आज थप २४४ जनाको परीक्षण सकिएको हो। यो परीक्षणमा कसैलाई पनि कोभिड-१९ देखिएको छैन। अहिले देशका विभिन्न अस्पतालमा बनाइएका आईसोलेसन वार्डमा १३४ जना बिरामी राखिएको छ।</p>
<p>यद्यपी उनीहरूलाई कोभिड-१९ को संक्रमण पुष्टि भइसकेको छैन। उस्तै लक्षण देखिएपछि कोभिड-१९ को आशंकामा आइसोलेसन वार्डमा राखिएको हो। उनीहरूको स्वाबको नमूना परीक्षण गरिँदै छ, जसको रिपोर्ट आउन बाँकी छ। </p>
<p><strong>पढ्नुहोस्</strong></p>
<p><strong><a href="https://dekhapadhi.com/news/10014" target="_blank">नेपालमा कोभिड-१९ को परीक्षण किन यति सुस्त ?</a></strong></p>
प्रतिक्रिया दिनुहोस्
.jpg)
