लकडाउन अवधिभर सार्क राष्ट्रमा व्यापार गर्दा उत्पतिको प्रमाणपत्र नचाहिने
<p>काठमाडौ। लकडाउन अवधिभर सार्क राष्ट्रमा व्यापार गर्दा उत्पतिको प्रमाणपत्र नचाहिने भएको छ।</p>
<p>विश्वव्यापी संकटको समयमा गरिने व्यापारलाई सहजिकरण गर्न सार्क राष्ट्रका वाणिज्य सह-सचिवस्तरीय बैठकले यस्तो निर्णय गरेको हो।</p>
<p>हाल नेपाल उद्योग बाणिज्य महासंघ, नेपाल उद्योग परिसंघ र नेपाल चेम्बर अफ कमर्शले उत्पतीको प्रमाणपत्र जारी गर्दै आएका छन्। बस्तु आयात र निर्यात गर्दा उक्त बस्तु कुन ठाउँमा उत्पादन भएको भन्ने विवरण सहितको प्रमाण पेश गर्नुपर्छ।</p>
<p>आज सार्क राष्ट्रका वाणिज्य सहसचिवहरुको भिडियो कन्फ्रेरेन्स बैठकले यस्तो निर्णय गरेको नवराज ढकालले जानकारी दिए। जसअनुसार, अब लकडाउन अवधिभर सार्क राष्ट्र बीच गरिने व्यापारमा उत्पतिको प्रमाणपत्र चाहिदैन।</p>
<p>तर, लकडाउनको अवधिमा आयातरनिर्यात गरिएको सामानको उत्पतिको प्रमाणपत्र लकडाउन खुलेपछि बुझाउनु पर्ने व्यवस्था गरिएको छ। यस्तै आज भएको भिडियो कन्फ्रेरेन्सले उत्पतिको डिजिटल प्रमाणपत्र र फोटोकपी भए पनि आयातरनिर्यात गर्न मिल्ने निर्णय गरेको छ। कन्फेरेन्समा सार्क मुलुकमध्ये पाकिस्तान भने सहभागी भएको थिएन। </p>
प्रतिक्रिया दिनुहोस्
.jpg)
