विद्यार्थीलाई तत्काल राहतको व्यवस्था गर्न नेविसंघकाे माग
<p>काठमाडाैं। नेपाली कांग्रेसको भ्रातृ संगठन नेपाल विद्यार्थी संघले देश तथा विदेशमा रहेका नेपालीलाई तत्काल राहत उपलब्ध गराउन माग गरेको छ।</p>
<p>नेविसंघका अध्यक्ष राजीव ढुङ्गानाले आज एक विज्ञप्ति जारी गरी स्वदेश तथा विदेशमा लकडाउनका कारण खान नपाएर अलपत्र परेका नेपाली विद्यार्थीलाई तत्काल राहतको व्यवस्था गर्न सरकार र दूतावासलाई आग्रह गरेका हुन्।</p>
<p>“पढाइका सिलसिलामा देश तथा विदेशका विभिन्न भागमा बसेका विद्यार्थीलाई राहत वितरणमा प्राथमिकता दिन आग्रह गर्दछौँ”, विज्ञप्तिमा भनिएको छ।</p>
<p>नेविसंघका महामन्त्री दीपक भट्टराईले राहत वितरणमा सरकारले विद्यार्थी र मजदुरलाई विशेष प्राथमिकतामा राख्नुपर्ने बताए।</p>
<p>“विद्यार्थीसँग खर्चको अभाव हुने भएकाले विद्यार्थीलाई सरकारले विशेष प्राथमिकतामा राख्नुपर्छ”, उनले भने।</p>
<p>विश्वभर फैलिँदै गएको कोभिड-१९ लाई ध्यानमा राखेर नेपाल सरकारले ११ चैतदेखि ३ वैशाख २०७७ सम्म देशभर लकडाउन गरेको छ। <em>रासस</em></p>
प्रतिक्रिया दिनुहोस्
.jpg)
