प्रशासनको पास लिएर लागुऔषध तस्करी गर्ने दुईजना पक्राउ
<p>विराटनगर। लकडाउनमा औषधि बोक्ने सवारी पास लिएर लागुऔषध तस्करी गरिरहेका दुईजना बेलबारीबाट पक्राउ परेका छन्। </p>
<p>इलाका प्रहरी कार्यालय बेलबारीले हिजो राति बेलबारी- ३ स्थित पूर्वपश्‍चिम राजमार्गमा मोटरसाइकलमा सवार दुईजनालाई ब्राउन सुगरसहित पक्राउ गरेको हो।</p>
<p>पक्राउ पर्नेमा सिरहाको मिर्चैया- ३ घर भइ गोलबजार नगरपालिका -३ बस्ने २३ वर्षीय सन्तोष सिंह र २४ वर्षीय विजयकुमार मण्डल रहेको मोरङ प्रहरी प्रमुख प्रहरी उपरीक्षक विश्‍व अधिकारीले बताए।</p>
<p>पूर्वबाट पश्‍चिम आउँदै गरेको प्रदेश २-०१००१ प २६७२ नम्बरको मोटरसाइकल चेकजाँचको क्रममा विजयकुमार मण्डलले मोजामा ब्राउनसुगर लुकाएर राखेको अवस्थामा ब्राउन सुगर बरामद गरिएको हो।</p>
<p>प्रहरीले भिडिओ कन्फेरेन्सबाट घटनाको सार्वजनिक गर्दै उनीहरूको साथबाट ३१ ग्राम ६९ मिलिग्राम ब्राउन सगुर बरामद गरेको जनाएको छ।</p>
<p>उनीहरूले जिल्ला प्रशासन कार्यालय , नगरपालिका र वडा कार्यालयबाट औषधि बोक्ने भनेर सवारी पास लिएका थिए।</p>
<p>झापाको दमकबाट ब्राउन सुगर ल्याएको प्रहरीले प्रारम्भिक अनुसन्धानमा खुलेको छ।</p>
प्रतिक्रिया दिनुहोस्
.jpg)
