१५ लाख ११ हजार नाघे कोभिड-१९ का बिरामी
<p>लन्डन। चीनको वहान शहरबाट सुरु भएको कोराना भाइरस संक्रमण (कोभिड-१९) का बिरामी १५ लाख ११ हजार एक सय चार पुगेका छन्।</p>
<p>अमेरिकाको जोन हकिन्स विश्‍वविद्यालयको आँकडाअनुसार हालसम्म ८८ हजार तीन सय ३८ जनाले कोभिड-१९ बाट ज्यान गुमाएका छन्।</p>
<p>बीबीसीका अनुसार अमेरिकामा चार लाख २९ हजार ५२ जनामा संक्रमण देखिएको छ, जहाँ हालसम्म १४ हजारभन्दा बढीको ज्यान गइसकेको छ।</p>
<p>कोभिड-१९ बाट सबैभन्दा बढी इटाली प्रभावित बनेको छ, जहाँ हालसम्म १७ हजारभन्दा बढीको ज्यान गएको छ। स्पेन पनि अति प्रभावित देशमध्ये एक हो, जहाँ १४ हजारले ज्यान गुमाएका छन्।</p>
प्रतिक्रिया दिनुहोस्
.jpg)
