कोभिड-१९ बाट पर्वत घर भएका पूर्वगोर्खा सैनिकको बेलायतमा मृत्यु
<p>लण्‍डन। बेलायतको लण्डनमा बस्दै आएका एक भूपू गोर्खा सैनिकको कोभिड-१९ का कारण मृत्यु भएको छ।</p>
<p>पर्वत स्थायी घर भएका ५९ वर्षीय चेतप्रसाद गुरुङको गएराति लण्डनको नर्थवीक पार्क अस्पतालमा मृत्यु भएको हो।</p>
<p>तमुधीं युकेको लण्डन शाखाका वरिष्ठ उपाध्यक्ष गुरुङ समाजसेवीका रुपमा चिनिन्‍थे।</p>
<p>करीब दुई सातादेखि ज्वरो आएपछि चिकित्सकको सल्लाहअनुसार गुरुङ घरैमा आइसोलेसनमा बस्दै आएका थिए।</p>
<p>श्वासप्रश्वासमा समस्या भएपछि उनलाई आकस्मिक कक्षमा राखी पछि वार्डमा सारिएको थियो।</p>
<p>भर्ना गरेको दुई दिनपछिबाट गुरुङको स्वास्थ खराब भएपछि भेन्टिलेटरमा राखिएको थियो ।</p>
<p>लण्डनस्थित नेपाली दूतावासका प्रवक्ता एवं उपनियोग प्रमुख शरदराज आरणले मृतक गुरुङको परिवार र सम्बन्धित संस्थालाई मृत्युबारे जानकारी गराएका छन्। <em>रासस</em></p>
प्रतिक्रिया दिनुहोस्
.jpg)
