लकडाउन अटेर गर्ने क्रम उस्तै, उपत्यकाबाट २४९ सवारीसाधन नियन्त्रणमा
<p>काठमाडौं। लकडाउनमा सुरक्षित साथ घरमै बसेर कोभिड-१९ बाट बच्‍न सरकारले गरेको अनुरोधलाई बेवास्ता गर्दै कामबिना बाहिर निस्कनेहरूको संख्या दिनहुँ उस्तै छ।</p>
<p>आज बिहान मात्र काठमाडौं उपत्यकाको विभिन्‍न ठाउँबाट लकडाउन उल्लंघन गर्ने २४९ वटा सवारीसाधन नियन्त्रणमा लिइएको छ।</p>
<p>ट्राफिक प्रहरी महाशाखाका अनुसार बिहान १० बजेसम्‍म ती सवारीसाधन नियन्त्रणमा लिइएको हो।</p>
<p>नियन्त्रणमा लिइएका सवारीसाधनहरूमा २३९ वटा दुई पांग्रे र १० वटा चार पांग्रे सवारी छन्।</p>
<p>११ चैतदेखि जारी लकडाउन सरकारले दोस्रो पटक अवधि बढाएर ३ वैशाखसम्म पुर्‍याएको छ।</p>
प्रतिक्रिया दिनुहोस्
.jpg)
