क्वारेन्टाइनमा राखिएका ७३ जना सशस्त्र प्रहरीको कोभिड-१९ परीक्षण नतिजा नेगेटिभ
<p>कैलाली। सशस्त्र प्रहरी बल नेपाल नम्बर ३४ गुल्म धनगढीअन्तर्गत कार्यरत विभिन्‍न दर्जाका ७३ जना सशस्त्र प्रहरीको कोभिड-१९ को परीक्षण नतिजा नेगेटिभ आएको छ। </p>
<p>र्‍यापिड टेष्टका क्रममा सबैजनाको थ्रोट स्वाब नमूना लिइएकोमा रिपोर्ट नेगेटिभ आएको गणका गणपति सशस्त्र प्रहरी उपरीक्षक कमल तिम्सिनाले बताए।</p>
<p>उनले आफूसहित मातहतका फिल्डमा खटिएकाहरुको र्‍यापिड टेष्ट गरिएको जानकारी दिए।</p>
<p><img alt="" height="445" src="https://www.dekhapadhi.com/storage/photos/shares/COVID-19/apf covid report negetive.jpg" width="960" /></p>
<p>१०-११ चैतमा गौरीफन्टा नाकामा भारतबाट आएर रोकिएका झण्डै एक हजारको भीड व्यवस्थापन तथा सुरक्षामा खटिएका साथै सीमामा हेल्थडेस्कमा खटिएका सशस्त्र प्रहरीहरुको र्‍यापिड टेष्ट गरिएको हो।</p>
<p>भीड तथा फिल्डमा खटिएका ७३ जना सशस्त्र प्रहरीलाई क्वारेन्टाईमा राखिएको थियो।</p>
<p>कोभिड-१९ परीक्षणसँगै सबैजनाको रिपोर्ट नेगेटिभ आएपछि आजैदेखि उनीहरूलाई खटाइएको गणपति तिम्सिनाले बताए।</p>
<p>र्‍यापिड टेष्ट आजै जिल्ला प्रहरी कार्यालय कैलालीमा कार्यरत् प्रहरीहरुमा समेत गर्ने तयारी भइरहेको छ।</p>
<p><img alt="" height="453" src="https://www.dekhapadhi.com/storage/photos/shares/COVID-19/apf covid report negetive 2.jpg" width="960" /></p>
प्रतिक्रिया दिनुहोस्
.jpg)
