कास्कीका क्वारेन्टाइनमा बसेका ३६ जनामा देखिएन कोरोना संक्रमण
<p>पोखरा। कास्‍कीमा क्‍वारेन्टाइनमा बसेका ३६ जना समयावधि पूरा गरेर घर फर्किएका छन्। कोरोना भाइरसको संक्रमण फैलिएका देशबाट आएका उनीहरूलाई क्‍वारेन्टाइनमा राखिएको थियो।</p>
<p>गण्डकी प्रदेशका स्‍वास्‍थ्य निर्देशक डा. विनोदविन्दु शर्माका अनुसार उनीहरू कसैमा पनि कोरोना भाइरसको संक्रमण नदेखिएपछि १४ दिनपछि घर पठाइएको हो। </p>
<p>क्‍वारेन्टाइनमा बसेकाहरू कतार, भारत र बंगलादेश लगायतका देशबाट आएकाहरू थिए। उनीहरूमध्ये पोखराको मालेपाटनस्‍थित कृषि तालिम केन्द्र १६ र रूपा गाउँपालिकाको क्‍वारेन्टाइनमा २० जनालाई राखिएको थियो।</p>
<p>अन्नपूर्ण गाउँपालिकामा होम क्‍वारेन्टाइनमा बसेकाहरूमा पनि हालसम्म कोरोना भाइरसको संक्रमण देखिएको छैन। १४ दिनपछि घर पठाइएकाहरूलाई पनि थप एक साता सेल्फ क्‍वारेन्टाइनमा बस्‍न भनिएको डा. शर्माले बताए।</p>
<p>अहिले कास्‍कीका सबै क्‍वारेन्टाइन रिक्‍त छन्। </p>
<p>पछिल्लो तथ्यांकअनुसार गण्डकी प्रदेशमा कुल दुई सय ५१ वटा नमुना संकलन भएको छ, जसमध्ये एक सय ३५ वटा नमूनाको परीक्‍षण नतिजा नेगेटिभ आएको छ। दुई वटामा पोजिटिभ देखिएको छ भने एक सय २२ वटाको रिपोर्ट आउन बाँकी छ।</p>
<p>यस्‍तै, हेल्लो डाक्‍टर १०९२ कार्यक्‍रममा पाँच सय दुईजनाले चिकित्सकीय परामर्शसहितको सेवा लिएको स्‍वास्‍थ्य निर्देशनालयले जनाएको छ। </p>
प्रतिक्रिया दिनुहोस्
.jpg)
