प्रदेश २ मा कोभिड-१९ परीक्षण गर्न संकलन गरिएका १५९ नमूनामध्ये ११३ जनाको रिपोर्ट नेगेटिभ
<p>काठमाडौं। प्रदेश २ मा कोभिड-१९ परीक्षण शुरू भएयता अहिलेसम्म १५९ जनाको नमूना संकलन गरिएको छ।</p>
<p>त्यसमध्ये परीक्षण सकिएका ११३ जनाको नतिजा नेगेटिभ आएको छ।</p>
<p>सामाजिक विकास मन्त्रालयले हिजो, २७ चैतसम्म अद्यावधिक गरेको विवरण अनुसार रिपोर्ट आउन बाँकी ४६ जनाको परीक्षण भइरहेको छ।</p>
<p> जनकपुरस्थित प्रादेशिक अस्पतालमा २१ चैतदेखि कोभिड-१९ का शंकास्पद बिरामीको थ्रोट स्वाब नमूना परीक्षण थालिएको हो।</p>
<p>प्रदेश २ का आठ जिल्लामा १४५ क्‍वारेन्टाइन केन्द्रमा तीन हजार २३६ वटा बेड रहेका छन्। त्यहाँ अहिले ९०० जना बसेका छन्।</p>
<p>त्यस्तै एक हजार ३६८ जना होम क्वारेन्टाइनमा छन्।</p>
<p>यस प्रदेशमा २०८ वटा बेड आइसोलेसन तयार छ। त्यहाँ २६ जना उपचाररत् छन्।</p>
प्रतिक्रिया दिनुहोस्
.jpg)
