Others

गृहपृष्ठ

कोभिड-१९ का मृतकको दाहसंस्कारका लागि कामदार लिँदै न्युयोर्क सिटी न्युयोर्क। कोभिड-१९ बाट मृतक संख्या बढेसँगै न्युयोर्क सिटीले हार्ट आइल्यान्डमा शवहरूको दाहसंस्कारका लागि कामदार लिन थालेको छ। तीन दिनयता न्युयोर्कमा कोभिड-१९ को कारण मृत्युदर बढ्दो छ। मृतकको दाहसंस्कारका लागि हार्ट आइल्यान्ड प्रयोग गरिएको छ।  समाचार एजेन्सी रोयटर्सका अनुसार यस आइल्यान्डमा कमजोर आम्दानी प्राप्त गर्ने कैदीबन्दीले काम गर्ने गरेका छन्। हरेक साता करिब २५ वटा शव यहाँ दाहसंस्कारका लागि ल्याइने गरेको छ। गत मार्चदेखि यो संख्या बढेको छ। कारण, कोभिड-१९ का मृतक बढेका छन्। न्युयोर्क यस विश्वव्यापी महामारीको केन्द्र बनेको छ। कारागार विभागका प्रवक्ता जेसन केस्टर्नका अनुसार दैनिक करिब दुई दर्जन शव ल्याइने गरेको छ। सातामा पाँच दिन यस आइल्यान्डमा शवहरूको दाहसंस्कार गरिन्छ। समाधिस्थ गर्नुअघि शवलाई ब्यागमा प्याक गरिन्छ। अनि पाइनको कफिनमा राखिन्छ। हरेक कफिनमा ठूलो अक्षरमा मृतकको नाम लेखिन्छ। र, कामदारले खनेको गहिरो खाडलमा पुरिन्छ। रेफ्रिजेरेटेड ट्रकमार्फत शवहरू आइल्यान्डमा पुर्&zwj;याइन्छ। अधिकारीहरूका अनुसार न्युयोर्कको मुख्य कारागारमा राखिएका कैदीबन्दीलाई शव समाधिस्थ गर्ने कामका लागि हायर गरिएको छ। न्युयोर्कको चिफ मेडिकल एक्जामिनरको कार्यालयसँग दैनिक आठ सयदेखि नौ सय शवहरू राख्&zwj;न सक्ने क्षमता छ। यस्तै, ४० वटा रेफ्रिजरेटेड ट्रकहरूमा चार हजारवटा शव राख्&zwj;न सकिन्छ। र, ती शव शहरभरका मुर्दाघरहरूमा व्यवस्थापन गर्न सकिन्छ।