स्वास्थ्य सामग्री लिन नेपाल एअरलाइन्सको विमान चीनको गोन्जाओ जाँदै
<p>काठमाडौं। स्वास्थ्य सामग्री लिन नेपाल एअरलाइन्सको वाइडबडी विमान आज चीनको गोन्जाओ जाँदैछ।</p>
<p>नेपाल नागरिक उड्ड्यन प्राधिकरणका प्रवक्ता राजकुमार क्षेत्रीले स्वास्थ्य सामग्री लिन बेलुका ८ बजे खाली विमान गोन्जाओ जाने अनुमति पाएको बताए।</p>
<p>निजी क्षेत्रका विभिन्न कम्पनीहरुले खरीद गरेको सामान लिन उक्त विमान चार्टड गरेका हुन्।</p>
<p>उक्त विमानले गोन्जाओमा गैर आवासीय नेपाली संघ (एनआरएन) ले नेपाल सरकारलाई सहयोग स्वरूप दिन खरीद गरेर राखेको स्वास्थ्य सामग्री पनि ल्याइने छ।</p>
<p>त्यस्तै ज्याकमा फाउन्डेसनले नेपाल सरकारलाई उपलब्ध गराएको सामान पनि उक्त विमानले नै ल्याउने स्वास्थ्य मन्त्रालय स्रोतले जानकारी दिएको छ।</p>
<p>यसअघि नेपाल वायुसेवा निगमको दुई पटक उडानमार्फत् चीनबाट औषधि ल्याएको थियो।</p>
प्रतिक्रिया दिनुहोस्
.jpg)
