संक्रमित चढेका विभिन्न जहाजका ४६ यात्रु अझै सम्पर्कमा आएनन्
<p>काठमाडौं। ४ चैतमा कतारको दोहाबाट आएको क्यूआर ६५२ नम्बरको विमानबाट आएकी १९ वर्षीया युवतीमा कोरोनाको संक्रमण पुष्‍टि भयो। उनी दोस्रो संक्रमित थिइन्। </p>
<p>एउटै विमानमा आएकी युवतीमा कोरोना संक्रमण देखिएपछि उक्त विमानमा आएका अन्य मानिसहरूको खोजी गरियो। सोही विमान भएर आएका बाग्लुङमा दुईजनामा पनि संक्रमण पुष्‍टि भयो। </p>
<p>स्वास्थ्य तथा जनसंख्या मन्त्रालयले अहिलेसम्म संक्रमण पुष्‍टि भएका बिरामीको कन्ट्याक्ट ट्रेसिङ सकिएको जनाएको छ। “हामीले डब्लुएचओकै मापदण्डअनुसार ट्रेसिङ गरेका छौं,” मन्त्रालयका प्रवक्ता डा. विकास देवकोटाले भने, “विमानमा सवार सबैलाई ट्रेसिङ गर्नुपर्ने भन्‍ने हुँदैन तर धेरै संख्यामा गरेका छौं।”</p>
<p>डब्लुएचका अनुसार परिवारका सदस्य, आफन्त र भौतिक रूपले नजिक हुने व्यक्तिको कन्टयाक्ट ट्रेसिङ गरिन्छ। </p>
<p>मन्त्रालयले ट्रेसिङ सकेको बताए पनि अहिलेसम्म विमानमा सवार भएका केही मानिस भने सम्पर्कमा आउन सकेको देखिँदैन। </p>
<p>उडान नम्बर क्यूआर ६५२ विमानमा एक सय ५८ जना यात्रु थिए। ४८ जिल्लाका ती यात्रुमध्ये उक्त विमानमा तीन जना विदेशी नागरिक थिए। प्रहरीले एक सय ५२ जनालाई सम्पर्कमा ल्याएर क्‍वारेन्टाइनमा राखिए पनि तीन जना अहिलेसम्म सम्पर्कमा आएका छैनन्।</p>
<p>६ चैतमा एयर अरेबियाको विमानमा एक सय ६९ जना यात्रु आएका थिए। उक्त विमानमा आएका धादिङका युवक पनि संक्रमित भइसकेका छन्। विमानमा आएका ४५ जिल्लाका एक सय ६७ जना सम्पर्कमा आइसकेका छन् भने दुई जना अझै सम्पर्कविहीन छन्। </p>
<p>६ चैतमै दिल्लीबाट काठमाडौं आएको भिस्टारा एयरमा एक ३० जना सहभागी थिए। ती विमान रहेका कैलालीको धनगढीका युवकमा पनि कोरोना संक्रमण पुष्‍टि भइसकेको छ। </p>
<p>उक्त विमानमा २२ जना भारतीय नागरिक थिए। ती स्वदेश फर्किसकेका छन्। बाँकी नेपालीमध्ये ८९ जना सम्पर्कमा आएका छन् भने १९ जना सम्पर्कमा आउन बाँकी छन्। काठमाडौं आएपछि ती युवक अर्को दिन बुद्ध एयरको जहाजबाट नेपालगञ्‍ज पुगेका थिए।</p>
<p>उक्त जहाजमा रहेका तीन भारतीयसहित ७१ यात्रुमध्ये ५२ जना मात्रै सम्पर्कमा आएका छन् भने १६ जना अझै सम्पर्कमा छैनन्। ती युवक नेपालगञ्‍जबाट माइक्रो चढेर धनगढी पुगेका थिए। </p>
<p> </p>
<blockquote>
<p>“संक्रमित यात्रु सवार विमानका यात्रु र उनीहरूले भेटेका अन्य व्यक्तिको खोजी गरिरहेका छौं,” नेपाल प्रहरीका प्रवक्ता एसएसपी उमेशराज जोशीले भने, “अझै केही मानिस सम्पर्कमा आउन सकेका छैनन्। स्थानीय तह र प्रहरीले खोजि गर्ने काम गरिरहेको छ।” </p>
</blockquote>
<p> </p>
<p>४ चैतमा कतार एयरबाट काठमाडौं ओर्लिएका बाग्लुङका दुई जना संक्रमित यती एअरको काठमाडौं-पोखरा उडानमा पोखरा पुगेका थिए। ५६ जनाले यात्रा गरेको उक्त जहाजमा १० जना भारतीय र ४६ नेपाली थिए। ४० जना नेपाली सम्पर्कमा आइसके पनि ६ जना अझै सम्पर्कमा आउन सकेका छैनन्। </p>
<p>स्थानीय तहसँगको समन्वयमा नेपाल प्रहरीले विमानमा आएका व्यक्तिहरूको विवरण संकलन गरेर ट्रेसिङ गरेको थियो। “संक्रमित यात्रु सवार विमानका यात्रु र उनीहरूले भेटेका अन्य व्यक्तिको खोजी गरिरहेका छौं,” नेपाल प्रहरीका प्रवक्ता एसएसपी उमेशराज जोशीले भने, “अझै केही मानिस सम्पर्कमा आउन सकेका छैनन्। स्थानीय तह र प्रहरीले खोजि गर्ने काम गरिरहेको छ।” </p>
<p>पासपोर्टमा उल्लेख भएको ठेगानामा कतिपय मानिस नबस्‍ने गरेकाले पनि सम्पर्कमा ल्याउन नसकिएको हो।</p>
<p>संक्रमित पुष्‍टि भइसकेकामध्ये केहीले काठमाडौंबाट घर जाने क्रममा माइक्रोबस, जिपलगायत चढेका थिए। उनीहरू चढेको सवारीमा कति मानिस कहाँका थिए भन्‍ने पनि यकिन भएको छैन। <br />
प्रहरी प्रधान कार्यालयका अनुसार ट्रेसिङ गरिएका मानिसलाई सम्पर्कमा ल्याइसकेपछि सबैलाई सरकारी क्‍वारेन्टाइन र केही होम क्‍वारेन्टाइनमा राखिएको छ। स्थानीय तहले ती सबैलाई निगरानीमा राखेर स्वास्थ्य जाँचसमेत गरिरहेका छन्।</p>
<p>विमानमा आएका व्यक्तिहरू काठमाडौं पुगेकै तीनसाता बितिसकेको छ। तीनसाताको अवधिसम्म संक्रमति भेटिएका व्यक्ति चढेर आएको विमानका अन्य कसैलाई पनि संक्रमण नदेखिएको स्वास्थ्य अधिकारीहरू बताउँछन्। पछिल्लो पाँचदिनमा नेपालमा नयाँ संक्रमित थपिएको छैन।</p>
प्रतिक्रिया दिनुहोस्
.jpg)
