उपत्यकामा लकडाउन अटेर गर्ने २५९ जनाको सवारीसाधन कारवाहीमा
<p>काठमाडौं। उपत्यकाका विभिन्न ठाउँबाट लकडाउनमा अटेर गरेर बाहिर निस्किएका २५९ जनाको सवारीसाधन नियन्त्रणमा लिइएको छ।</p>
<p>ट्राफिक प्रहरी महाशाखाका अनुसार आज बिहान १० बजेसम्म ती सवारीसाधन कारवाहीमा परेका हुन्।</p>
<p>नियन्त्रणमा लिइएकामा १३ वटा चार पांग्रे र २४६ वटा दुई पांग्रे सवारी छन्।</p>
<p>महानगरीय ट्राफिक प्रहरी महाशाखाले दिनमा र रातमा विभिन्‍न स्थामा चेकप्वाइन्ट राखि सवारी साधनहरू चेकजाँच गर्दै आएको छ।</p>
<p>भित्रि क्षेत्रको लागि भने मोटरसाइकलमा ट्राफिक प्रहरी खटाइएको छ।</p>
<p>महाशाखाका अनुसार कोरोना भाइरसको विश्वव्यापी महामारी फैलिएपछि नेपालमा हुने सम्भावित जोखिम रोक्न सरकारले लकडाउनको आदेश जारी गरेकाले उल्लंघन गर्ने सवारी साधन दिनभर नियन्त्रणमा लिएर बेलुका छाड्ने गरिएको छ।</p>
प्रतिक्रिया दिनुहोस्
.jpg)
