तसलिमा भन्छिन्- अब अमेरिका सुपरपावर रहेन
<p>काठमाडौं। भारतमा आश्‍रय लिइरहेकी बंगलादेशकी लेखिका तसलिमा नसरिनले कोरोना भाइरस संक्रमण (कोभिड-१९) नियन्त्रणमा आएपछिको विश्‍व व्यवस्थामा अमेरिका सुपर पावर नरहने दाबी गरेकी छन्।</p>
<p>ट्विटमार्फत तसलिमाले आगामी विश्‍व व्यवस्थाबारे आफ्नो बुझाइ व्यक्त गरेकी हुन्।</p>
<p>‘कोरोना महामारीबाट के सिक्ने ?’ प्रश्‍न गर्दै उनले सिक्नुपर्ने पाँचवटा विषय उल्लेख गरेकी छन्। चौथो बुँदामा उनले अमेरिका सुपर पावर बाँकी नरहेको बताएकी छन्।</p>
<p>तेस्रो बुँदामा राष्ट्रिय सीमाहरू पनि अर्थहीन रहेको बताएकी छन्। पाँचौं बुँदामा मानवता नै एक मात्र परिवार भएको सम्झाएकी छन्।</p>
<p>पहिलो बुँदामा उनको दाबी छ- ईश्‍वर छैनन्। दोस्रो नम्बर बुँदामा उनले भनेकी छन्, ‘घातक भाइरस मात्र नभई धार्मिक कट्टरपन्थी र ईश्‍वरका भक्तहरू पनि मानवताका लागि खतरा हुन्।’</p>
प्रतिक्रिया दिनुहोस्
.jpg)
